Ўзбекистон Республикаси Олий ва ўрта махсус таълим вазирлиги Бобур номидаги Андижон Давлат университети

1.Ўзбекистон Республикаси Президентлари И.А. Каримов, Ш.М. Мирзиёев асарларида, меъёрий-ҳуқуқий ҳужжатларда масаланинг қўйилиши.

Ўзбекистон Республикаси Президенти Ш.М.Мирзиёев 2017 йил 31 август куни Қатағон қурбонлари хотираси куни муносабати билан ўтказилган халқимиз озодлиги ва мустақиллиги йўлида қурбон бўлган марҳумларни ёд этиш маросими иштирокчилари билан бўлган суҳбатда “Аждодларимизнинг Ватан тинчлиги ва озодлиги йўлидаги кураши бугунги кун ёшлари учун ибрат мактабидир. Ҳар бир вилоятда Қатағон қурбонлари хотираси музейининг филиалларини ташкил қилишимиз керак. Улар университет ва институтлар қошида ташкил этилса, айни муддао бўлади. Қатағон қурбонлари хотираси бўйича мактаб дарсликларида махсус дастур асосида ўқитиш тизимини ишлаб чиқиш зарур.

Бу ердаги муҳит ижодкорлари учун илҳом манбаидир. Шунинг учун Бўзсув канали атрофида турли тадбирлар – мақом кечалари, ёшлар, нуронийлар ва зиёлиларнинг учрашувини уюштириш мақсадга мувофиқ”, - дея таъкидлади.
2017 йил 22 ноябрда Ўзбекистон Республикаси Вазирлар Маҳкамаси “Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейи ва ҳудудлардаги олий таълим муассасалари тузилмасида Қатағон қурбонлари хотираси музейларини ташкил этиш чора-тадбирлари тўғрисида” Қарор қабул қилди. Эл-юртимиз озодлиги, эркинлиги ва мустақиллиги учун олиб борилган кўп йиллик машаққатли курашларни ҳаққоний ва тўлақонли акс эттириш, мустабид тузум давридаги оммавий қатағонлар туфайли қурбон бўлган, инсонийлик шаъни, қадр-қиммати топталган ватандошларимизнинг хотирасини абадийлаштириш, ёш авлод қалбида Ватанга муҳаббат, истиқлол ғояларига садоқат туйғуларини кучайтириш мақсадида барча вилоятларда Қатағон қурбонлари хотираси музейларини ташкил этишга қарор қилинди. Мазкур қарорга мувофиқ Андижон вилоятида ҳам Қатағон қурбонлари хотираси музейи ташкил этиладиган бўлди.
Маълумки, Ўзбекистон Республикаси Президентининг 2018 йил 14 мартда қабул қилинган “Ўзбекистон Республикасининг давлат хавфсизлиги тизимини такомиллаштириш чора-тадбирлари тўғрисида”ги ПФ-5379-сонли Фармони мамлакатимизнинг ижтимоий-сиёсий, иқтисодий, маданий, маънавий ҳаётида муҳим воқеа бўлди. Ўзбекистон Республикаси Миллий хавфсизлик хизмати Ўзбекистон Республикаси Давлат хавфсизлик хизмати сифатида қайта ташкил этилди. Фармонда иқтисодий, илмий-техник, ижтимоий ва ахборот соҳаларида давлат хавфсизлигини таъминлаш, халқимизнинг тарихий-маданий ва бой маънавий меросини ҳимоя қилишга алоҳида эътибор қаратилди. Бу эса тарихимизнинг кўп саҳифаларини тиклаш, бор ҳақиқатни ўз жойига қўйиш, очиб бериш, унинг кемтик томонларини тўлдириш, айниқса, советларнинг Ўзбекистондаги қатағон сиёсати ва унинг фожиали оқибатларини ўрганиш ва тарғиб этиш, ватан озодлиги, мустақиллиги, юрт равнақи йўлида курашган, аммо совет тузуми томонидан қатағон қилинган юртдошларимизни номма-ном аниқлаш, улар қолдирган мерос асосида чин тарихни яратиш ва бу тарих билан халқни, хусусан, ёшларни тарбиялаш муҳим аҳамиятга эга. Айниқса, 2017 йил 22 ноябрда Ўзбекистон Республикаси Вазирлар Маҳкамасининг “Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейи ва ҳудудлардаги олий таълим муассасалари тузилмасида Қатағон қурбонлари хотираси музейларини ташкил этиш чора-тадбирлари тўғрисида”ги Қарорини бажаришда Ўзбекистон Республикаси Давлат хавфсизлик хизмати архивининг ўрни ва роли ниҳоятда катта.
Ўзбекистон Республикасининг биринчи Президенти Ислом Каримовнинг “Она юртимиз бахту иқболи ва буюк келажаги йўлида хизмат қилиш – энг олий саодатдир” номли янги асарида Ватанимиз тарихини холисона, илмий яратишга қаратилган методологик, концептуал характерга эга бўлган мухим назарий ғоялар илгари сурилган.
“Тошкент шаҳрида Қатағон қурбонлари хотираси музейини очганимиздан ҳабарингиз бор – деб ёзилган бу китобда. Мақсад – одамлар ҳақиқий тарихни билсин. Лекин мана шу яқин ва узоқ тарих ҳақидаги ҳақиқатни ёзишга, уни фарзандларимизга етказишга интиладиган фидойи одамлар, афсуски, жуда кам. Совет давридаги зулм ва қўрқувга асосланган мафкура, сиёсатнинг таъсири бизнинг қон-қонимизга сингиб кетган, ичимиздаги қўрқоқлик ҳали ҳам, таассуфки, тўлиқ барҳам топгани йўқ.