Ўзбекистон республикаси олий ва ўрта махсус таълим вазирлиги Қарши давлат университети

2.2‒расм. Trichoderma harzianum22 штаммида гиббериллин ва индолсирка кислота синтезланишига турли азот манбаларининг таъсири

Юқоридагилардан келиб чиқиб, бу штаммларнинг биомассасини ошириш, уларда гиббериллин ва индолсирка кислота синтезини кучайтиришда азот манбаларидан (NH₄)₂SO₄ ва NaNO₃ тузларидан фойдаланиш тавсия этилади [161; 421-424., 165; 55-58.].

Кейинги тадқиқотларда углерод манбаларининг гиббериллин ва индолсирка кислота синтезига таъсири ўрганилди. Углерод манбаси сифатида целлюлоза, сахароза (назорат), глюкоза, лактоза, галактоза, рамноза, раффиноза, мальтоза, фруктоза ва маннитдан фойдаланилди. Тажрибалар давомида углерод манбаларининг иккиламчи метаболитлар синтезига сезиларли даражада таъсир кўрсатиши кузатилди. Тажрибаларда ўстиришнинг биринчи ҳафтасида гиббериллин синтези фаол бўлган бўлса, иккинчи ҳафтасида асосан индолсирка кислота синтезланиши аниқланди.

Trichoderma harzianum 55

Trichoderma harzianum 22

Гиббериллин миқдори мкг/мл
Trichoderma harzianum 55 штаммида юқори даражадаги гиббериллин синтези ўстиришнинг тўртинчи суткасида сахароза қўлланилган вариантда (1,90 мкг/мл) кузатилди, энг кам миқдорда эса маннит қўлланилган (0,001 мкг/мл) вариантда аниқланди. Углерод манбаси сифатида лактоза ва галактоза қўлланилган вариантларда ҳам максимал даражада гиббериллин синтезланди (мос равишда 1.43 ва 1.42 мкг/мл). Trichoderma harzianum 22 штаммида ҳам максимал даражадаги гиббериллин синтези сахароза қўлланилган вариантда (1,89 мкг/мл) кузатилган бўлса, лактоза қўлланилганда мос равишда 1,74 мкг/мл миқдорда гиббериллин синтезланди. Энг оз миқдордаги синтез мальтоза ишлатилган вариантда (0,02 мкг/мл) кузатилди (2.3‒расм).
2.3‒расм. Турли углерод манбаларининг гиббериллин
синтезига таъсири

Индолсирка кислота синтезида эса углерод манбаларининг таъсири сезиларли таъсир кўрсатди. Trichoderma harzianum 55 штаммида углерод манбаси сифатида мальтоза ишлатилган вариантда максимал даражадаги (1,26 мкг/мл) индолсирка кислота синтези аниқланди. Шунингдек, сахароза (1,22 мкг/мл), глюкоза (0,92 мкг/мл) ва маннит (0,93 мкг/мл) қўлланилган вариантларда ҳам юқори даражаларда индолсирка кислота ҳосил бўлгани аниқланди. Энг кам миқдордаги индолсирка кислота синтези эса углерод манбаси фруктоза бўлган вариантда (0,1 мкг/мл) кузатилди. Лактоза ва рамноза қўлланилган вариантларда синтез кузатилмади.

Trichoderma harzianum 22 штаммида эса углерод манбалари индолсирка кислота синтезига ижобий таъсир этганини кўриш мумкин. Бу штаммда ҳам юқори даражадаги индолсирка кислота синтези мальтоза ишлатилган вариантда (1,47 мкг/мл) кузатилди. Сахароза ва глюкоза манбалари ҳам индолсирка кислота синтезига юқори даражада таъсир кўрсатиши тажрибаларда аниқланди (сахароза – 1.43 мкг/мл, глюкоза – 1,38 мкг/мл). Энг кам даражадаги синтез галактоза қўлланилган вариантда (0,53 мкг/мл) кузатилди (2.4‒расм).

Trichoderma harzianum 22

Trichoderma harzianum 55

индолсирка кислота миқдори мкг/мл