Ўзбекистон республикаси олий ва ўрта махсус таълим вазирлиги қарши муҳандислик иқтисодиёт

1.2. Мустақиллик натижасида эришилган ютуқлар. 
Республикамиз мустақилликка эришгач президентимиз И.А Каримовнинг 
фармони билан 1992 йил 8 июнь «Нефтъ ва газ саноати консерни ташқил 
этилди», 1993 йил консерни «Узбекнефтгаз» миллий корпорациясига 
айлантирилаб ишлаб чиқариш тармоқлари ихтисослаштирилиб, давлат 
хиссадорлик бирлашмалари ташкил этилди. 1999 йилда «Узбекнефтгаз» 
миллий корпорацияси «Узбекнефтгаз» миллий ҳолдинг компаниясига, давлат 
хиссадорлик бирлашмалари акциядорлик компанияларига айлантирилди. 
Асосий йўналишлар бўйича қўйидаги акциядорлик компаниялари тузилган: 
«Узгеонефтгазқазибчиқариш» АК, «Узбурғинефтгаз» АК, «Узтрансгаз» АК, 
«Узнефтгазқурилиш» АК, «Узнефтмаҳсулот» АК, «Узнефтниқайтаишлаш» АК, 
«Узнефтгазмаш» АК, «Узнефтгазтаъминот» АК ва бошқа корхона ташкилот 
муассасалар. 
Кейинчалик 2003 йил октябр ойига келиб бу акционерлик компаниялари 
таркибига ўзгартиришлар киритилди. 
Ҳолдинг компанияси тасарруфида бугунги кунда учта нефтни қайта 
ишлаш заводи мавжуд. Улар йилига 10 миллион тонна нефтъ ва конденсатни 
қайта ишлаб бериш қувватига эга. 
Табиий газнинг таркибидаги кўплаб қимматбаҳо кимёвий моддаларни 
илғор ҳорижий технологиялар асосида қурилган «Шўртангаз кимё мажмуаси» 
да бу моддалар ажратиб олиниб, суюқ газ полиэтилен ва бошқа маҳсулотларга 
айлантирилмоқда. 
Бугун Ўзбекистонда нефтъ-газ конденсатини қазиб чиқариш уч баравар 
кўпайди. Табиий газ қазиб чиқариш ҳажми ҳам 42 млн.куб.метрдан 56 млн.куб 
метрга етказилди. Республика ўз эҳтиёжидан ортиқча табиий газни Украина, 
Тожикистон, Қирғизистонга чиқармоқда. Буларнинг ҳаммасига мустақиллик 
туфайли эришилди. 
1990-1995 йилларда бу тармоқ структурасини мукаммаллаштириш бўйича 
техник жиҳозланиши ва қайта янги асбоб-ускуна билан қуролланиши, конларни 
ишга тушириш ҳажмини жадаллаштириш ва уларни ошириш (кўпайтириш) 
учун улкан ишлар қилинди. Бу давр ичида МДХ да нефтъ ва газ қазиб чиқариш 
камайиши рўй берган бўлса, Ўзбекистонда нефтъ газ қазиб чиқариш 
барқарорлашган ва сўнгра динамик усишига эришилди.