Ўзбекистон Республикаси Олий ва Ўрта Махсус Таълим Вазириги

Ўз – ўзини текшириш учун тест саволлари………………………………………….

Ўз – ўзини текшириш учун саволлар тўплами………………………………………

Таянч иборалар…………………………………………………………………………
Фойдаланишга тавсия этиладиган адабиётлар………………………………………

Кириш


Мустақилликнинг дастлабки давридан бошлаб, Республикамизда хусусий мулкчиликни хар томонлама кенгайтиришга, аҳолини тадбиркорлик фаолиятини рағбатлантиришга алоҳида эътибор берила бошланди. Тадбиркорликни ривожлантириш давлат сёсатининг устивор йўналишларидан бири сифатида белгиланди. Мамлакат иқтисодиётини равнақида алоҳида ўрин тутувчи тармоқ аҳолини иш билан таъминлаш, кишиларни турмуш фаровонлигини оширишнинг муҳим омили бўлиб хисобланади.
Шу сабабдан хозирда мамлакатимизда тадбиркорлик билан шуғулланувчи шахслар кўпайиб, турли соҳаларда фаолият кўрсатмоқдалар.
Республикамизнинг ватанпарвар, ишбилармон, интилувчан, тадбиркор ва ташаббускор, юқори малакага эга бўлган илғор фуқаро гурухлари республикамиз иқтисодиётини ривожланишига ўзларининг салмоқли хиссаларини қўшмоқдалар. Шу билан бирга уларнинг фаолиятларида турли муаммолар, қийинчиликлар хам учрамоқда. Бунга яққол мисол қилиб, Президентимиз И.А. Каримовнинг 2006 йилда Республика ижтимоий – иқтисодий ислохотларни боришини бахолаш, 2007 йилги вазифаларга бағишланган Вазирлар Махкамаси йиғилишида сўзлаган нутқини олишимиз мумкун.
Президен И. Каримов таъкидлайдики: «Бешинчи энг мухим устивор масала – бу кичик бизнес ва хусусий тадбиркорликнинг жадал ривожланишини хар томонлама қўллаб-қувватлаш, шу асосда аҳолининг бандлиги ва фаровонлигини ошириш муаммоларини хал этишдан иборат» .¹
Ишбилармон рахбар ва имони пок тадбиркоргина Республикамиз ижтимоий-иқтисодий ривожланишига муносиб хисса куша олади. Шу сабабли хозирги замон талабларига жавоб бера оладиган рахбар ва мутахассисларни тайрлаш, айникса, уларда тадбиркорлик ва таваккалчилик хислат ва фазилатларини шакллантириш ва уларни ривожлантириш жуда мухим вазифадир.
Мавжуд муаммоларни хал этишда тадбиркорлик фаолиятини олиб бориш бўйича маълум бир йўл-йўриқлар, маслахатлар бериш зарур хисобланади.
Юқоридагиларни инобатга олган холда, хамда хорижий мамлакатлар тажрибаларига таяниб тайёрланган ушбу ўқув қўлланма алохида ўрин эгаллайди.
Тайёрланган қўлланмада тадбиркорлик моҳияти ва унинг асосий шакллари ёритиб берилган бўлиб, иқтисодиётни эркинлаштириш шароитида тадбиркорлик фаолиятини ташқил этиш, юритиш хамда бошқаришнинг назарий ва амалий жиҳатлари келтирилган.
Ана шу мақсадларга эришиш йўлида тайёрланган ўқув қўлланмада қуйидаги вазифаларни бажариш кўзда тутилади:
- Тадбиркорликни бозор иқтисодиётининг бирламчи категорияларидан бири сифатида, унинг ижтимоий-иқтисодий негизларини яратиш;
- Тадбиркорлик ва таваккалчиликни ўзаро боғлиқлиги ва уни бошқариш заруриятини ёритиш;
- Мамлакатимизда тадбиркорлик фаолиятининг намоён бўлиш жиҳатлари шарт-шароитлари ва хусусиятларини таърифлаш;
- Иқтисодиётни эркинлаштириш шароитида тадбиркорликни жумладан кичик бизнесни давлат томонидан қўллаб-қувватлаш чора тадбирларини амалий аҳамиятини ўрганиш;
- Рақобатли бозор муҳити тадбиркорлик шаклларини намоён бўлиши ва унда кадрлар масаласини ўрганиш.
Ушбу ўқув қўлланмани тайёрлашда Олий Мажлис Қонунлари, Президентимиз И.А.Каримовнинг фармонлари ва асарларидан, тадбиркорлик ва таваккалчиликка оид ўқув адабиётлардан мақола, монография ва бошқа адабиётлардан, муаллифлар томонидан Андижон Мухандислик Иқтисодиёт институтининг талабаларига, Андижон қишлоқ хўжалиги институти талабаларига, корхона ва ташқилотларининг рахбарларига, ўқилган маърузаларидан шунингдек муаллифларнинг «Тадбиркорлик ва таваккалчиликни бошқариш» масалаларига алоқадор бўлган илмий ишларидан фойдаланилди.
Табиийки, ушбу ўқув қўлланма тўла ва камчиликлардан холи бўлмаслиги мумкин, бу йўлдаги фикр, таклиф ва хулосалар АндМИИ «Бошқарув» факультети «Менежмент» кафедрасига йўлланиши мумкин.