Ўзбекистон республикаси олий ва ўрта махсус таълим

2-савол бўйича дарснинг мақсади: Билимларни текшириш турлари ва мактабда 
баҳо меъёрлари ҳақида талабаларга тушунча беради. Уларда ўқитувчилик касбига 
қизиқиш уйғотади.
 
Идентив ўқув мақсадлари: 
- Ўқувчилар билимини текширишнинг моҳиятини тушунтиради. 
- Назорат турларини фарқлайди. 
- Билимларни баҳолашнинг аҳамиятини кўрсатади. 
- Мактабда баҳо меъёрларини шарҳлаб беради. 
- Ўзлаштирмасликнинг сабабларини тушуниб йетади. 
2-савол баёни: 
 
Билимларни текширишнинг қуйидаги турлари бор: 
Ҳар дарсда текшириш. Ўқитувчи ҳар бир дарсда ўқувчиларнинг янги билимларни 
ўзлаштиришга тайёрлигини текширади, болаларнинг бутун дарс давомида ўқув 
материали мазмунини қандай ўзлаштираётганликларини назорат қилиб туради. 
Тематик текшириш бутун темани ўзлаштирилишини назорат қилиб боришни 
таъминлайди. Ўқув дастурининг ўрганилган мавзуларидан бирининг мазмуни 
текширилади. Бу хилдаги текшириш материални тизимийлаштиришда жуда катта 
аҳамиятга егадир. Дарсда қисқа вақт мобайнида шунақа саволлар бериш ёки шунақа 
вазифаларни таклиф етиш керакки, ўқувчи ўзини уларда мавзунинг асосий мазмунини, 
асосий ғояларини кўриб тургандай ҳис қилиш керак. 

---

- 61 - 
Якунловчи текшириш ўқувчиларнинг ўқув йилининг маълум даврида - бир неча 
ҳафта, ўқув чораги, ярим йил, бир йил ичида, бир неча йил давомида ва тўққиз йиллик
ёки ўрта маълумот бўйича олган билимлари текширилади. Якуний баҳо мактаб 
ўқувчисининг чорак ёки йил давомидаги ишининг натижасини акс еттиради. 
 
 
Мактабда баҳо нормалари 
Ҳозирги вақтда бизнинг мактабимизда беш баллик системаси қабул қилинган. 
«5» (аъло) баҳо – дастур материалини чуқур ва тўла тушунган, ўрганаётган 
қоидаларни мустақил равишда тушунтириб бера олган, саволга мантиқий ва адабий 
тўғри формада, ишонарли ва равшан жавоб берган, хато қилмаган ўқувчига қўйилади. 
«4» (яхши) баҳо - дастур материалини чуқур ва тўғри ўзлаштирган, аммо жавобида 
ноаниқликларга ҳамда жавобининг мазмунида ва тузилиши шаклида унга муҳим
бўлмаган хатоларга йўл қўйган ўқувчиларга қўйилади.
"3" (ўрта) баҳо - ўқув материалини ўзлаштирган, лекин тушунтирганда хатога йўл 
қўйган ўқувчига қўйилади. 
"2" (қониқарсиз) баҳо - билимни, ўқув материалини ўзлаштирмаган ўқувчиларга 
қўйилади. 
«1» (жуда ёмон) баҳо - қачонки, ўқувчи дастурдаги материални билмаган ва 
тушунмаган, мазмунда қўпол хатоларга йўл қўйган ҳолларда қўйилади.