Ўзбекистон Республикаси Олий ва Ўрта махсус, касб-ҳунар таълими вазирлиги Ўрта махсус, касб-ҳунар таълими маркази

Малака талаблари:

а) аввало тўгаракда ўргатмоқчи бўлган фан, касб-ҳунарга оид билим-малакани тўгарак раҳбарининг ўзи пухта ўзлаштирган бўлиши, энг муҳими, тўгарак йўналиши бўйича камида бакалавр даражасига эга бўлиши;

б) ўрта махсус касб-ҳунар таълимида амалий иш стажига эга бўлиши (касб-ҳунарга йўналтирилган тўгарак машғулотларида) мақсадга мувофиқдир.
Юқори билим-малакага эга, маҳоратли педагог ва усталардан иборат тўгарак раҳбарлари танлаб олинганидан кейин дастурлар ишлаб чиқилади.
Тўгарак дастурини тузиш бўйича тавсиялар

Дастур Ўзбекистон Республикаси Қонунлари талаблари асосида ишлаб чиқилиб, қуйидагилардан иборатдир.

1. 
   Тўгаракнинг мақсади:
   

Ҳозирги кунда ёш авлодга таълим-тарбия беришда барча фанларнинг ўрни беқиёс. Фанлар бўйича дарс машғулотларида берилган билимлар, синфдан ташқари машғулотларда мустаҳкамланади ва мукаммаллаштирилади. Тўгарак машғулотларини ташкил қилиш натижасида ўқувчиларда фанларни чуқур ўзлаштириш, мустақил фикрлаш, билим савияларини ошириш, қўшимча касб-ҳунар эгаллаш малакалари шакллантирилади. Шуни ҳам қайд этиш керакки, тўгараклар иши таълим олувчилар учун назария билан амалиётни ўз вақтида боғлаб олиб боришга замин яратади.
Амалий ишларни дарсларга олиб кириш ўқувчиларнинг назарий билимларини амалда қўллаш орқали бир нарсани узоқ эслаб қолиш қобилиятини ривожлантиради. Қизиқарли ташкил қилинган ҳар бир машғулот ўқувчининг билим олишга бўлган қизиқишини ошириши табиий.


2. Кутилаётган натижалар:
Ўқувчиларни ижодий фикрлашга, назарий олган билимларини амалда қўллай билишга,билим, кўникма, малакаларини мустаҳкамлашга ўргатиш орқали тўгарак машғулотлари ва барча фанларга қизиқтиришўқувчиларнинг бўш вақтларидан унумли ва мазмунли фойдаланишларини амалга оширишдир.


3. Фанлараро боғлиқлиги, мавзулар режаси, мавзулар бўйича соатлар тақсимоти:
Фан ва касб хусусиятларидан келиб чиққан ҳолда белгиланади.


4. Умумтаълим, спорт, бадиий хаваскорлик ва махсус фанлардан ташқари ташкил этиладиган тўгаракларга ажратилган соатлар ўқув режадаги турдош фанлар учун умумий ўқув юклама ажратилган соатларнинг 15-25 фоизи миқдорида белгиланади.

Умумтаълим фанлар тўгараклари - ўқув ишлари бўйича директор ўринбосари;

Махсус фанлар тўгараклари - касбий таълим бўйича директор ўринбосари;
Спорт ва бадиий хаваскорлик тўгараклари, бундан ташқари тўгаракларни ташкил этиш ва уларнинг умумий назорати-маънавий-маърифий ишлар бўйича директор ўринбосарлари зиммасига юклатилади.