Ўзбекистон Республикаси Олий ва Ўрта махсус, касб-ҳунар таълими вазирлиги Ўрта махсус, касб-ҳунар таълими маркази

Тўгарак раҳбарининг вазифаси

Тўгарак раҳбари ҳар бир дарсга пухта тайёргарлик кўриши ва тўгарак машғулотларини қизиқарли ташкил этиб, интерфаол усуллардан фойдаланиб ўтказиши лозим.

Тўгаракни мазмунли ва режали ташкил қилиш учун тўгарак журнали бўлиши лозим. Уни ўз ўрнида юритиб бориш тўгарак раҳбарининг асосий вазифасидир.
Тўгарак машғулотлари сифат ва самарадорлигини оширишда тўгарак газетасининг ўрни беқиёсдир. Тўгарак газетасини ташкил қилиш ва доимий тайёрланишини назорат қилади.
Ўқувчилар ижодига алоҳида эътибор беради, ижодий қобилиятларини ривожлантиради.
Ўқувчиларни керакли адабиётлар рўйхати билан таъминлайди.
Тўгарак раҳбарларига техника хавфсизлиги ва
ишлаб чиқариш тозалигига риоя қилиш бўйича қўйиладиган талаблар

Тўгарак раҳбари лаборатория, хона, устахона мудирларининг бевосита қатнашиши ва ёрдами билан қуйидаги ишларни бажаради:

1. Машғулотларни хавфсиз ўтказиш чораларини кўради.
2. Амалдаги техника хавфсизлиги ва ишлаб чиқариш тозалигига оид қоидалар ва кўрсатмаларни бажаришни таъминлайди.
3. Машғулот ва ишларни техника хавфсизлиги қоидалари ва меъёрларида кўзда тутилган шароитлар, зарур асбоб-ускуналар мавжуд бўлган тақдирдагина ўтказади.
4. Иш жойларининг, асбоб ускуналарнинг, анжомларнинг хавфсизлик ҳолати ва хоналарнинг тозалик ҳолатини таъминлайди.
5. Тўгарак аъзоларига техника хавфсизлиги бўйича кўрсатма бериб, уни мақсадга мувофиқ равишда журналда расмийлаштириб қўяди (Кўрсатмадан ўтган тўгарак аъзоларининг рўйхатини қаранг).
6. Техника хавфсизлиги бўйича тадбирларни ишлаб чиқади.
7. Мўлжалланган махсус кийим ва ҳимоя қилувчи мосламалар бўлмаса, у ҳолда тўгарак аъзолари машғулотга ёки иш бажаришга киритилмайди.
8. Ҳаёт учун хавф туғдирадиган машғулотни ёки ишни тўхтатиб қўяди ва дарҳол муассаса раҳбарига хабар беради.
9. Ҳар бир бахтсиз ҳодиса рўй берганда зудлик билан муассаса раҳбарига хабар беради.
10. Юклатилган мажбуриятларни бажармай бахтсиз ҳодисага йўл қўйса, Ўзбекистон Республикаси Қонунлари асосида жавобгарликка тортилади.