Ўзбекистон Республикаси Олий ва Ўрта махсус, касб-ҳунар таълими вазирлиги Ўрта махсус, касб-ҳунар таълими маркази

Таълим муассасаси раҳбарлари:
ўқув хоналарининг кўргазмали қуроллар билан таъминланганлик даражасини ошириш, барча тўгаракларни зарур хом-ашё билан таъминлаш;
тўгаракларда машғулотлар мазмунининг асосий дарслардан ажралиб туриши, кўпроқ ноанъанавий, эркин усулларда машғулотлар ўтилишига аҳамиятни кучайтириш;
ўқитувчи ва ишлаб чиқариш усталарига барча шароитни яратиб бериш;
ўқувчиларнинг қизиқишларини тўғри баҳолаб, тўгаракларга жалб этиш;
тўгараклар фаолиятини ривожлантиришга сарф қилинадиган ҳаражатларни тўғри тақсимлаш зиммасига юклатилади.

Ҳар бир тўгарак машғулотларини замонавий педагогик технологиялар асосида ташкил этилиши лозим. Машғулотларнинг муваффақиятли ўтишининг 80 фоизи ўқув жараёнини тўғри лойиҳалаштириш, ташкил этиш ва уни амалга оширишга боғлиқ.

Ўқув жараёнини лойиҳалаштириш қуйидаги уч босқичдан иборат:
ўқув мақсадлари ва натижаларини белгилаш;
натижалар асосида назорат топшириқлари ва баҳолаш мезонларини ишлаб чиқиш;
ўқув жараёнининг технологик харитаси (тўгарак машғулоти ишланмаси харитаси)ни ишлаб чиқиш.
Ўқув жараёнини лойиҳалаштиришда таълим мазмунини, мақсадини, кутилаётган натижани тўғри белгилаш, таълим методлари, шакллари ва воситаларини тўғри танлаш, таълим олувчиларнинг билим, кўникма ва малакаларини баҳолашнинг аниқ мезонларини олдиндан ишлаб чиқиш, машғулотга ажратилган вақт ичида уларни тўғри амалга ошириш ва бир бири билан уйғунлашувига эътиборни қаратиш мақсадга мувофиқдир.
Замонавий педагогик технологиялар ва педагог маҳоратига оид билим, тажриба ва интерфаол методлар таълим олувчиларни билимли, етук малакага эга бўлишларини таъминлайди. Яъни замонавий педагогик технологияларнинг моҳияти шундаки, унга қўйилган мақсадга эришиш кафолатини берувчи ўқув жараёни режалаштирилади ва амалга оширилади. Замонавий таълим технологияси қуйидаги элементлардан ташкил топган:

1. 
   Таълим берувчи;
   
2. 
   Таълим олувчи;
   
3. 
   Таълим шакллари;
   
4. 
   Таълим мақсади;
   
5. 
   Кутилаётган натижа;
   
6. 
   Таълим методлари;
   
7. 
   Таълим воситалари;
   
8. 
   Назорат ва баҳолаш.
   

Элементлардан энг асосийси мақсад ва кутилаётган натижалардир.