Ўзбекистон Республикаси Олий Мажлиси

Тафтиш комиссияси – молиявий-хўжалик фаолияти соҳасида етарли билим ва тажрибага эга бўлган фуқаролар йиғини аъзолари орасидан камида 3 нафар таркибда очиқ овоз бериш йўли билан муқобиллик асосида алоҳида овозга қўйилиб сайланади.
(Тафтиш комиссиясининг раиси ва аъзолари лавозимига фуқаролар йиғини раиси томонидан тавсия этилаётган номзодларнинг фамилияси, исми, отасининг исми, лавозими ва яшаш манзили алифбо тартибида ўқиб эшиттирилади).
(Раислик қилувчи тафтиш комиссияси аъзолигига ҳар бир номзодни муқобиллик асосида алоҳида-алоҳида овозга қўяди).
1. Тафтиш комиссиясининг аъзоси этиб__________________ сайлансин
^(ф.и.ш.)
деган таклифга овоз беришларингизни сўрайман.
Овозга қўяман.
Розилар? Қаршилар? Бетарафлар?
2. Тафтиш комиссиясининг аъзоси этиб__________________ сайлансин
^(ф.и.ш.)
деган таклифга овоз беришларингизни сўрайман.
Овозга қўяман.
Розилар? Қаршилар? Бетарафлар?
3. Тафтиш комиссиясининг аъзоси этиб__________________ сайлансин
^(ф.и.ш.)
деган таклифга овоз беришларингизни сўрайман.
Овозга қўяман.
Розилар? Қаршилар? Бетарафлар?
Шу тариқа ҳар бир тафтиш комиссияси аъзолигига номзодлар ўрни учун овоз берилади.
Овоз беришда иштирок этган фуқароларнинг ярмидан кўпроғининг овозини олган 3 нафар номзод тафтиш комиссияси аъзолигига сайланган деб ҳисобланади.
Шундан сўнг тафтиш комиссиясининг сайланган 3 нафар аъзолари орасидан муқобиллик асосида юқоридаги тартибда тафтиш комиссиясининг раиси сайланади.
Саноқ комиссияси ҳар бир номзод учун овоз бериш натижаларини аниқлайди. Саноқ комиссиясининг раиси комиссиянинг баённомасини ўқиб эшиттиради ва ушбу баённома вакиллар йиғилиши томонидан тасдиқланади.
Фуқаролар йиғини тафтиш комиссиясининг аъзолари этиб сайланганларни табриклаймиз ва ишларида муваффақиятлар тилаймиз.
Ҳурматли йиғилиш иштирокчилари!
Кун тартибига еттинчи масала сифатида киритилган фуқаролар йиғини фаолиятининг асосий йўналишлари бўйича комиссияларни сайлаймиз.
“Фуқароларнинг ўзини ўзи бошқариш органлари тўғрисида”ги Ўзбекистон Республикаси Қонунининг 14-моддасида фуқаролар йиғини фаолиятининг асосий йўналишлари бўйича комиссияларнинг аъзолигига номзодлар фуқаролар йиғини раиси (оқсоқоли) томонидан тақдим этилиши белгиланган.
Ўзбекистон Республикасининг “Фуқароларнинг ўзини ўзи бошқариш органлари тўғрисида”ги Қонунининг 18-моддасида Фуқаролар йиғинларида фуқаролар йиғини фаолиятининг асосий йўналишлари бўйича қуйидаги комиссиялар тузилиши белгиланган:
яраштириш комиссияси;
маърифат ва маънавият масалалари бўйича комиссия;
ижтимоий қўллаб-қувватлаш бўйича комиссия;
хотин-қизлар билан ишлаш бўйича комиссия;
вояга етмаганлар, ёшлар ва спорт масалалари бўйича комиссия;
тадбиркорлик фаолияти ва оилавий бизнесни ривожлантириш масалалари бўйича комиссия;
экология ва атроф-муҳитни муҳофаза қилиш, ободонлаштириш ва кўкаламзорлаштириш бўйича комиссия;
жамоатчилик назорати ва истеъмолчиларнинг ҳуқуқларини ҳимоя қилиш бўйича комиссия.