Ўзбекистон Республикаси Олий Мажлиси

Ўзбекистон Республикаси Олий Мажлиси Сенати Кенгаши		Фуқароларнинг ўзини ўзи бошқариш органлари фаолиятини мувофиқлаштириш бўйича Республика кенгаши

Фуқаролар йиғини раиси (оқсоқоли) сайловини ташкил этиш ва ўтказиш ҳамда сайлов натижаларига кўра маҳалла органларини шакллантириш бўйича
УСЛУБИЙ ТАВСИЯЛАР


Тошкент - 2019
Фуқаролар йиғини раиси (оқсоқоли) сайловини ташкил этиш ва ўтказиш ҳамда сайлов натижаларига кўра маҳалла органларини шакллантириш бўйича услубий тавсиялар. – Т., 2018 й. – 92 бет.
Нашр учун масъул: Ш.С.Жавлонов
Услубий тавсиялар Қорақалпоғистон Республикаси, вилоятлар, Тошкент шаҳар, туманлар ва шаҳарлар фуқароларнинг ўзини ўзи бошқариш органлари фаолиятини мувофиқлаштириш бўйича кенгашлар, фуқаролар йиғинлари ходимлари, шунингдек, фуқаролар йиғинлари раислари (оқсоқоллари) сайловини ташкил этиш ва ўтказишга кўмаклашувчи ҳудудий комиссиялар ҳамда ишчи гуруҳлари аъзоларига мўлжалланган бўлиб, у 2018 йил 15 октябрдаги “Фуқаролар йиғини раиси (оқсоқоли) сайлови тўғрисида”ги Ўзбекистон Республикаси Қонунида белгиланган нормалар асосида мазкур сайловларни ташкил ва ўтказишда иштирок этувчиларга услубий жиҳатдан кўмаклашиш мақсадида шакллантирилган.
Қўлланмада фуқаролар йиғини раиси (оқсоқоли) сайлови бўйича фуқаролар йиғини Кенгаши йиғилиши, фуқаролар вакиллари йиғилиши, сайловда иштирок этиш ҳуқуқига эга бўлган фуқаролар йиғилиши, фуқаролар йиғини раиси (оқсоқоли) сайловини ўтказиш бўйича ишчи гуруҳ ва саноқ комиссияси йиғилишларини олиб бориш бўйича баён ва қарорлар намуналари, фуқаролар йиғини раиси (оқсоқоли) лавозимига номзодлар томонидан тўлдириладиган ва ишчи гуруҳга тақдим этиладиган ҳужжатлар, фуқаролар йиғинлари раислари (оқсоқоллари) сайловини ташкил этиш ҳамда ўтказиш бўйича фуқаролар йиғинларида тузилган ишчи гуруҳларнинг иш юритишга доир ҳужжатлари ва уларни юритиш бўйича тавсиялар, шунингдек, фуқаролар йиғини раиси (оқсоқоли) сайлови натижалари бўйича бир ой ичида фуқаролар йиғини кенгашини шакллантириш, фуқаролар йиғини раисининг (оқсоқолининг) ўринбосарлари (фуқаролар йиғини раисининг кексалар ва фахрийлар ишлари ҳамда ёшлар масалалари бўйича маслаҳатчилари) ва маслаҳатчиларини, фуқаролар йиғини фаолиятининг асосий йўналишлари бўйича комиссияларни ва тафтиш комиссиясини сайлаш бўйича тавсиялар ҳамда иш юритиш ҳужжатларидан намуналар ўрин олган бўлиб, улар фуқаролар йиғини раиси (оқсоқоли) сайловини адолат тамойилларига риоя этилган ҳолда ошкора, холис ва муқобиллик асосида ташкил этиш ва ўтказиш билан бир қаторда фуқаролар йиғини органларининг тўлақонли шакллантирилишига хизмат қилади.