Ўзбекистон Республикаси Марказий банки

Инфляцион таргетлашга ўтишда коммуникацион 
сиёсатнинг аҳамияти 
Марказий банк фаолияти доимо кенг жамоатчилик ва бизнес 
вакилларининг диққат марказида бўлганлиги боис, пул-кредит сиёсати соҳасида 
қабул қилинаётган қарорлар молия бозори иштирокчиларининг фаолияти ва 
кутилмалари шаклланишига таъсир этувчи асосий омиллардан бири 
ҳисобланади.
Фаолият очиқлигини таъминлашнинг назарий асосида эса “рационал 
кутилмалар назарияси” тамойиллари ётади. Мазкур назарияга кўра, аҳоли ва 
тадбиркорлик субъектлари ўз иқтисодий кутилмалари шаклланишида, биринчи 
навбатда, келажакдаги ўзгаришларни инобатга олишлари эътироф этилади.
Шу 
нуқтаи 
назардан, 
Марказий 
банк 
фаолиятининг 
очиқлиги 
таъминланиши аҳоли ва тадбиркорлик субъектларининг кутилмалари 
шаклланишига ижобий таъсир кўрсатади ҳамда улар учун пул-кредит сиёсати 
йўналишларини олдиндан аниқлаб олиш ва иқтисодий қарорлар қабул қилишда 
ноаниқликларни камайтириш имконини беради. Бу, ўз навбатида, аҳоли ва 
тадбиркорлик субъектларининг пул-кредит сиёсатига бўлган ишончини 
орттириб, ушбу соҳада қабул қилинаётган қарорлар самарадорлигини оширишга 
ҳам хизмат қилади.
Айни пайтда иқтисодий фаолият иштирокчилари томонидан пул-кредит 
сиёсати мақсадлари ва чораларини тўғри тушунилиши ва доимий асосда 
соҳадаги ўзгаришлардан хабардор бўлиниши асимметрик информация ва 
ноаниқликларнинг олдини олиб, пул-кредит сиёсати трансмиссион канали 
самарадорлигини оширади.
Инфляцион таргетлаш режимида марказий банклар фаолияти очиқлигини 
таъминлаш қуйидаги тамойилларни назарда тутади: 
- 
мақсадлар очиқлиги (political transparency), пул-кредит сиёсатининг 
пировард, операцион ва оралиқ мақсадлари; 
- 
иқтисодий кўрсаткичлар очиқлиги (economic transparency), пул-
кредит кўрсаткичлари ва статистикаси; 
- 
қарорлар 
қабул 
қилиш