Ўзбекистон республикаси мактабгача таълим вазирлиги

Мавзу:Сувнинг хусусиятлари( таьми йуклиги)
Мақсад: Болаларни сувнинг хусусиятлари яъни унинг таъми йўқлиги билан таништириш.
Жиҳоз:Бир стакан сув, бир стакан сок.
Тажрибанинг бориши:
1.Болаларнинг бир стакан сувни ичиб кўриши.
Савол: Сувнинг таъми борми?
2.Болаларнинг бир стакан сокни ичиб кўриши.
Савол: Сокнинг таъми қандай?
Хулоса: Болалар ўтказилган тажриба асосида сувни таъми йўқ деб хулоса чиқарадилар.
Санъат маркази болаларнинг ўз ижодий қобилиятларини синовдан ўтказиш ва амалга оширишга рағбатлантиради, уларга янги материаллар билан танишишдан қониқиш олиш имкониятларини беради, болаларнинг сезиш қобилиятини бойитади. Бу ерда бўёқ, қоғоз, қайчи, бўрчалар, қаламлар, газлама бўлаклари ва кесиш ҳамдa елимлаш учун турли қийқимлар мавжуд. Шунингдек, табиий материаллар – ёғоч, барг, қум-тупроқни ҳам қўшиб қўйиш фойдадан ҳоли эмас. Ушбу марказдаги машғулотлар ижодий қобилият, сўз орқали ва сўзсиз мулоқот, умумий ва нозик ҳаракатланиш, ақлий қобилиятни ривожлантиришга йўналтирилган.

2.2. Мавзу асосида ривожлантириш марказларини жиҳозлаш, улардан ва АКТдан машғулот жараёнида фойдаланиш

1. Ривожланиш марказини жиҳозлаш.
Мактабгача таълим ташкилотларида ривожланиш марказларини жиҳозлаш таълимий-тарбиявий фаолиятни ташкил этишнинг муҳим омили ҳисобланади.
Гуруҳ хонасида ривожланиш марказларини жиҳозлашда мактабгача ёшдаги болаларни ривожланишида ўйин фаолиятининг етакчи ролини ҳисобга олиб,бу ўз навбатида ҳар бир боланинг эмоционал ҳолатини яхшилайди, уларнинг ижобий ҳис-туйғуларини, дунёга, одамларга, ўз-ўзига бўлган муносабат компетенцияларини ривожлантириш, ўзаро ҳамкорликда бўлиш каби мактабгача таълим мақсадлари амалга оширилади.

Фан ва табиат марказининг жиҳозланиши. Болалар табиат материалларини ўрганиш давомида фикрлайдилар, билим орттиришга мўлжалланган ўйинлар, ихтиро ва кичик илмий тажрибаларни ўзлари учун кашф этадилар, уларда табиий-илмий тушунчалар шаклланади. Тажрибалар ўтказиш учун жиҳозлар: қум, сув, ўсимлик, уруғлар, турли шакл ва рангдаги идишлар, турли хил мевалар муляжи, буғдой бошоғи, ун, нон махсулотлари суратлари, пахта шохи, суратлар, чигит, пахтадан тайёрланган маҳсулотлар, экологик ўйинлар, лото ўйинлари, лупа, компас, бинокль,микроскоп, батарейка, магнит, табиат бурчаги, болалар меҳнат қуроллари, махсус идишда тупрок, сув, белкуракчалар, майда пиёзчалар, “Совун кўпиклари билан ўйин . Тоғ, ўрмон, дарё расмлари