Ўзбекистон республикаси қишлоқ ва сув хўжалиги вазирлиги тошкент давлат аграр университети шералиев Абдусаид Шералиевич

Антибиотиклар билан ишлов бериш
Уруғларни зарарсизлантиришда антибиотиклар энг самарали восита ҳисобланади.Стрептомицин, фитобактериомицитин, пеницилин, стрептоцид, микроцид, субтилин, грамицидин каби антибиотиклар билан ишлов берилган уруғлар унувчанлиги яхшиланган.
Стрептомицин антибиотиги бодринг уруғига бактериозга (Ps.lachrymans) қарши, ловиянинг бактериал куйишига (Xanth.phaseoli), помидор бактериал ракига қарши (Corynebact.michiganense) ва Xanth.citri, Xanth. pruni, Ps. tabaci, Pectobact. phytophtorum бактерияларига нисбатан самара беради.
Бактериал касалликларга қарши курашда ўсимликларга антибиотиклар билан ишлов бериш ҳам муҳим профлактик усул ҳисобланади. Ўсимликларга ишлов беришда уларнинг баргларига ишлов бериш энг яхши усул ҳисобланади. Агримицин антибиотиги олманинг бактериал куйишига қарши (Erw.amylovora) самарали восита ҳисобланади. Антибиотиклар ўсимликка профлактик ва системали таъсир қилади. Профлактика мақсадида ўсимликлар касаллик пайдо бўлишдан олдин ўтказилади. Системали кураш ўрик бактериозига қарши ишлатилганда ўсимликнинг бактериал ва замбуруғ касалликларига иммунитети пайдо бўлган.

Тупроқни дезенфекция қилиш
Помидорнинг бактериал раки, карам пояси некрози, илдиз ракларига қарши Хлорпикрин препарати 1 м ² тупроққа 60 г препарат 20 см қалинликда сепилади. Натижада тупроқдаги инфекция манбайи нобуд бўлади.
Формалинни сувда 1:40 ёки 1:70 сиғимда эритилиб, 1 м ² тупроққа 10-15 ёки 15-20 л миқдорда сепилади. 1 м ² жойга 65 г формалин сарфланади. Тупроққа формалин билан ишлов бериш баҳор ёки кузда ўтказилади. Ишлов берилган тупроқ ёпиқ холда 1-2 кун сақланади ва бу жойларга 10-15 кундан кейин экиш мумкин.

Бактериал касалликларга қарши бошқа тадбирлар
Бактериал касалликларга қарши кураш тадбирларини ўтказиш жараёнида уларнинг заҳар ва антибиотикларга мосланиб қолишини эътиборга олиш керак. Тупроқдаги ўсимлик қолдиқларини йўқ қилиш инфекция манбайини камайтиради. Экинларни алмашлаб экиш улар ризосферасида фойдали микроорганизмланинг пайдо бўлишига имкон беради.
Ўсимликларнинг зарарланган қисмларни кесиб ташлаш ва касаллланган ўсимликларни ёқиб йўқ қилиш, хашаротларга қарши ўз вақтида курашиш тадбирлари тупроқда бактериал инфекцияни камайишига имкон беради.