Ўзбекистон республикаси қишлоқ ва сув хўжалиги вазирлиги самарқанд қишлоқ ХЎжалик институти ҳайвонлар касалликлари

Санитария меъёрлари ва қойидалари
Меҳнат гигиенаси ишлаб чиқариш муҳитини ва меҳнат жараёнини киши организмига таъсирини ўрганади ва уларнинг санитария-гигиена ҳолатларини яхшилаш бўйича тавсияномаларни ишлаб чиқади, буларнинг ҳаммаси ишчиларнинг соғлигини ва иш қобилиятини сақлаб қолишга ёрдам беради.
Ишлаб чиқариш санитарияси ишлаб чиқариш корхоналари територияларининг ҳолатини яхши сақлаш, санитария-ободонлаштириш, ишлаб чиқариш биноларини ва хоналарини, санитария-техник қурилмалари (вентиляция, исистиш, ёритиш), санитария-маъиший хоналар қурилмалари, шахсий сақланиш воситаларидан фойдаланиш, мехнат шароитларини яхшилаш, ишлаб чиқаришдаги заҳарланишлар ҳамда касб касалликларини олдини олиш хизматчилар соғлигини муҳофаза қилиш, шунингдек меҳнатни илмий ташкил қилиш ва ишлаб чиқариш эстетикаси билан боғлиқ бўлган гигиена чора-тадбирларини ишлаб чиқиш масаласини ҳал қилади.
Шаҳсий гигиена тушунчасига кирадиган масалалар доирасига жуда кенг. Бу баданни тоза тутиш, ишлаганда, овқатланганда шаҳсий гигиенага риоя қилиш, ўзи яшайдиган жойни озода тутиш ва бошқалар. Шаҳсий гигиена қойидаларини бажариш фақат индивидуал эмас, балки ижтимоий аҳамиятга ҳам молик бўлади.
Соғлом иш шароитларини яратишнинг негизида санитария меъёрий ҳужжатлари ва қойидалари ётади, МРК, МРМ, МРД (меъёрий рухсат этилган концентрация, миқдор ва даража) қўйилган. Буларнинг меъёрий даражасини ушлаб туришига риоя қилиш соғлом меҳнат шароитларига кафолат беради. Ҳозир амалдаги «Санитария меъёрлари СМ 245-71», «Қурилиш меъёрлари ва қойидалари», «Ҳар хил шароитлар учун санитария қойидалари», «Ҳавфсизлик ва меҳнат гигиенаси бўйича трактор ва қишлоқ хўжалиги машиналарининг конструкцияларига умумий талаблар», « Таъмирлаш-технологик ускуналарга хавфсизлик ва ишлаб чиқариш санитариясининг умумий талаблари», «Ишлаб чиқариш корхоналарининг ускуналари ва хоналарининг санитария холати бўйича қулланма», «Радиацион хавфсизлик меъёрлари», «Ишлаб чиқариш хоналарининг микро иқлим санитария меъёрлари» ва бошқалар корхоналарни жойлашишига хамда уларнинг териториясини режалаштириш, ишлаб чиқариш мақсадида қурилган биноларга умумий талабларни белгилайди.
Ёрдамчи бинолар ва хоналар учун санитария талаблари, санитария-ҳимояланиш доирасини меъёрлайди, микро иқлим параметрлари қийматини, ҳаво мухитини, ёритилганлик даражасини, шовқинни, титрашни, нурланишни, дам олиш ва меҳнат тартибларини режалаштиради. Кўрсатилган меъёрлар ишлаб чиқариш мухит параметрларини мумкин бўлган кўрсаткичларини таъминлашга асос бўлади.