Ўзбекистон республикаси қишлоқ ХЎжалиги вазирлиги

Тадқиқотнинг республика фан ва технологиялари ривожла-нишининг устувор йўналишларига мослиги. Диссертация тадқиқоти республикада фан ва технологиялар тараққиётининг I.“Демократик ва ҳуқуқий жамиятни маънавий-ахлоқий ва маданий ривожлантириш, инновацион иқтисодиётни шакллантириш” устувор йўналишига мувофиқ бажарилган.
Муаммонинг ўрганилганлик даражаси. Қишлоқ хўжалигида суғурталаш тизими ривожлантириш бўйича хорижий ва ўзбек олимларимиз томонидан бир қатор илмий изланишлар олиб борилган. Жумладан, ватанимиз аграр иқтисодчи олимларидан Р.Х.Хусанов⁴, Ў.П.Умрзақов, Н.Хушматов⁵, К.А.Чариев, И.Қ.Ражабов, Т.Х.Фармонов, Ф.Т.Эгамбердиев, А.Ядгаров ва бошқалар томонидан илмий изланишлар олиб борилган.
Хорижий олимлардан А. Брандт, JI. Грас, Ф. Кеппена, В. Таргонский. B.C. Гохман, A.B. Чаянов, Н.И. Гладков ва бошқалар томонидан бир қатор илмий ишлар олиб борилган.
Охирги йилларда бу йўналиш бўйича қишлоқ хўжалиги иқтисодиёти ихтисослиги шифри остида алоҳида ва мустақил илмий изланишлар етарли даражада олиб борилмаган.
Бевосита тадқиқот мавзусига оид энг охирги илмий иш 2005 йилда и.ф.н., доцент А.Ядгаров томонидан амалга оширилган бўлиб, бугунги кун талабларидан келиб чиқиб қишлоқ хўжалигида суғурта тизимини ривожлантириш долзарб аҳамият касб этади.
Шу боисдан инновацион иқтисодиётга ўтиш шароитида қишлоқ хўжалигида суғурталаш тизимини яхлит соҳа сифатида ҳозирги ўзгаришлар нуқтаи-назардан ҳар томонлама чуқур ўрганиш ва илмий таклифлар ишлаб чиқиш танланган мавзунинг долзарблигини ифодалайди ҳамда тадқиқот мақсад ва вазифаларини белгилашга асос бўлиб хизмат қилади.
Диссертация тадқиқотининг диссертация бажарилган олий таълим муассасасининг илмий-тадқиқот ишлари режалари билан боғлиқлиги. Диссертация иши Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази илмий-тадқиқот ишлари режасига мувофиқ бажарилган.
Тадқиқот мақсади. Қишлоқ хўжалигида суғурталаш тизимини такомиллаштириш бўйича илмий таклиф ва амалий тавсиялар ишлаб чиқишдан иборат.