Ўзбекистон республикаси қишлоқ ХЎжалиги вазирлиги

1.1-расм. Қишлоқ хўжалигида суғурта тизимининг ташкилий тузилиши
суғурта хизматлари истеъмолчилари ва суғурта муносабатларининг бошқа иштирокчилари ҳуқуқлари ва қонуний манфаатлари ҳимоя қилинишини таъминлаш, аҳолининг суғурта бозорига ишончини оширишга ва жамиятда суғурта маданиятини ривожлантиришга кўмаклашиш ва бошқа шу каби тадбирлар амалга оширилади.
Шунингдек, суғурта фаолияти соҳасидаги қонун ҳужжатларига, шунингдек, уларнинг молиявий барқарорлигини таъминлаш бўйича белгиланган норматив ва талабларга риоя этилишини назорат қилиш, суғурталовчилар ва суғурта брокерларининг суғурта фаолиятини лицензиялаш, актуарийлар фаолиятини сертификатлаш, суғурта бозорининг ҳолати ва суғурта компанияларининг фаолиятининг ҳисоби ва ҳисоботини юритиш, масофавий назорат қилиш ва тезкор онлайн-мониторингини олиб бориш бўйича интеграциялаштирилган ахборот тизимини шакллантириш ва юритиш, аҳоли ва тадбиркорлик субъектларининг ўсиб бораётган эҳтиёжларини таъминлашга қаратилган суғурта хизматлари турларини ривожлантириш бўйича стратегия ишлаб чиқади²².
Республикамиз суғурта бозорида ҳозирда 40 дан ортиқ суғурта компаниялари фаолият юритиаётган бўлиб, қишлоқ хўжалиги суғурта бозорида асосан суғурталовчи сифатида "UZINSURANCE” (“Ўзагросуғурта”АЖ) суғурта компанияси ва “MY INSURANCE” суғурта компаниялари хизмат кўрсатиб келмоқда. Қишлоқ хўжалигида асосий суғурталанувчилар эса фермер. деҳқон хўжаликлари, кластерлар ва бошқа қишлоқ хўжалиги корхоналари, қишлоқ хўжилигига хизмат кўрсатувчи ва таъминотчи корхоналар, қишлоқ хўжалиги маҳсулотларини сотиш ва экспорт қилувчи корхоналар ҳамда бошқа юридик ва жисмоний шахслар ҳисобланади. Ҳозирги вақтда қишлоқ хўжалигида суғурта муносабатларни янада ривожлантиришнинг объектив зарурлиги қуйидагилардан иборат, яъни 1.2-расм):
- глоабал иқлим ўзгариши оқибатида табиат ходисаларининг қишлоқ хўжалиги ишлаб чиқаришига, айниқса ўсимликчилик тармоғига таъсирининг кескин ортиши, қишлоқ хўжалиги корхоналарининг ҳар йили сел келиши, дўл ёғиши, бўрон, ҳароратнинг аномал тарзда кўтарилиши, кескин совуқ оқибатида музлашлар, зараркунанда ва касалликлар кўпайиши, сувсизлик ҳамда бошқа табиат ҳодисалари туфайли катта иқтисодий зарар кўришлари суғурта тизимини тубдан ислоҳ қилиш заруриятини келтириб чиқармоқда;