Ўзбекистон республикаси ички ишлар вазирлиги а к а д е м и я фалсафа ва политология кафедраси

9-мавзу. Фалсафада онг, ғоя ва мафкура масалалари. Ҳуқуқий онг – ижтимоий онгнинг бир тури.

РЕЖА:

Кириш
Асосий қисм:

1. 
   Фалсафада онг муаммоси ва унинг моҳияти.
   
2. 
   Ижтимоий онг тушунчаси, унинг асосий шакллари.
   

3.Мафкура–инсонларнинг эҳтиёжлари, манфаатлари, мақсад ва вазифаларини ифодаловчи ғоялар мажмуоси сифатида.
Хулоса
Адабиётлар


Ахборот-техник воситалар: мультимедиа,тарқатма материаллар.


Кириш: Яқин келажакда фотон компьютерлар яратилиши лойиҳалаштирилмоқда. Шундай бўлсада компьютерлар ҳис-туйғуларга, инсонлардагидек ҳиссий изтиробларга эга эмас, яъни инсонлардагидек онгга эга эмас. Компьютер нарса ва ҳодисаларни талқин қила олмайди, демак у фикрлай олмайди. Компьютер онгни моделини яратишнинг кучли воситаси холос. Шу нуқтаи назардан – «онг нима?» - деган савол пайдо бўлади. Энди биз онгнинг моҳиятини кўриб чиқамиз.
Маърузадан кўзланган мақсад. Фалсафий онг ва руҳиятнинг шаклланиши ва ривожланиши, инсон онгининг табиий-ижтимоий жиҳатлари,онг ва инъикос, инъикоснинг моҳияти ва асосий шакллари, инъикос жараёни, ҳиссиёт ва тасаввур, ирода ва тафаккур, онглилик ва онгсизлик муаммолари, тил ва нутқ, онг ва хотира, ижтимоий ва индивидуал онг, ғоя ва мафкура тушунчалари, мафкуравий ғоялар ва қадриятлар, ҳозирги дунёнинг мафкуравий қиёфаси, Ўзбекистон мустақиллиги ва мафкуравий муаммолар ҳамда Президент И. Каримов-миллий истиқлол мафкураси назариясининг асосчиси тўғрисидаги билимлар бериш.
Маърузанинг вазифалари: Мавзуни ўзлаштириш учун учта савол ажратилган бўлиб, улар
1. Фалсафада онг муаммоси ва унинг моҳияти.
2.Ижтимоий онг тушунчаси, унинг асосий шакллари.
3.Мафкура–инсонларнинг эҳтиёжлари, манфаатлари, мақсад ва вазифаларини ифодаловчи ғоялар мажмуоси сифатида.- масалалари таҳлил қилинади.
Мавзунинг бошқа мавзу ва фанлар билан алоқадорлиги: ушбу мавзу бошқа мавзулар билан, Ўзбекистон тарихи, жаҳон тарихи, сиёсатшунослик, социология, диншунослик, давлат ҳуқуқи тарихи ва назарияси каби бир қатор фанлар мавзулари билан ҳам боғлиқдир.
Энди маъруза режасида белгиланган саволларнинг муҳокамасига ўтамиз.