Гурух Қодирова Хумора Миллий ғояни ўрганишининг объектив зарурати, мафкура ва стратегия тушунчалари

“МИЛЛИЙ ҒОЯ: ЎЗБЕКИСТОННИ РИВОЖЛАНТИРИШ СТРАТЕГИЯСИ” ФАНИНИНГ ПРЕДМЕТИ, МАҚСАДИ ВА ВАЗИФАЛАРИ.
620-17 гурух
Қодирова Хумора
1.Миллий ғояни ўрганишининг объектив зарурати, мафкура ва стратегия тушунчалари.
Мустақиллик туфайли Ўзбекистон халқи ўзини миллий-маънавий янгиланишда миллий истиқлол ғоясига таянишга алоҳида эътибор берди. Собиқ шўролар даврида амал қилиниб келинган, халқимизнинг миллий- маънавий руҳиятига тамомила зид бўлган «коммунистик ғоя» дан воз кечилди.
Инсониятнинг тарихий тараққиёти ва тажрибаси бирон-бир жамиятнинг эзгу ғоялар ва мафкурасиз ривожлана олмаслигини тасдиқламоқда. Ана шу эзгу ғоялар – мамлакатимизда демократик тамойилларга асосланган жамиятни барпо этишдан иборатдир.
Ҳар қандай фаннинг ўзига хос мавзулари, тушунчалари, қонун ва категориялари бўлади. Биз ўрганишга киришаётган фаннинг хам ўз предмети, қонун ва категориялари, мақсад ва вазифалари бор.
“Ғоя” ва “мафкура” тушунчалари, уларнинг халқлар ва давлатлар тақдирига таъсири, хозирги замондаги мафкуравий жараёнлар, миллий истиқлол ғоясининг мазмун-мохияти, тушунчалари, шаклланиш қонуниятлари, намоён бўлиш хусусиятлари, уни халқимиз қалби ва онгига сингиш йўллари ва усуллари ушбу фаннинг предметини белгилайди. Унинг тушунча ва категориялари бир бутун, яхлит тизим шаклида намоён бўлади.
Миллий истиқлол ғоясининг асосий тушунча ва тамойилларини фуқароларимиз қалби ва онгига сингдириш омиллари ва воситалари хам ана шу тизимнинг таркибий қисми бўлиб, фаннинг асосий тушунча ва категориялари қаторида ўрганилади.
Ғоя-идея-юнонча тушунча бўлиб, “фикр” демакдир. Идея тушунчасини фанга биринчи бўлиб Платон киритган. Идеология эса ғоялар ҳақидаги таълимотдир.
Мафкура-арабча тушунча бўлиб, “фикрламоқ”, “фикрлаш” деган маънони билдиради. Мафкура ёки идеология тушунчаси дастлаб француз марифатпарварлари Де-Трасе ва Д’аламберлар томонидан истефода этилган.
Ғоя-энг кучли, таъсирчанг, залворли фикрдир.
Ғоя-одамнинг ички дуннёсигача кириб бориб, уни ҳаракатга келтирувчи, мақсад сари етакловчи фикрдир.