Ўзбекистон Республикаси Халқ таълими вазирлигининг 2011 йил

II. Методика уюшмаларининг асосий вазифалари

4. Халқ таълими бошқарув органлари томонидан мактабгача таълим йўналишига оид меъёрий ҳужжатлар ва методик ишларни ўрганади ҳамда таълим муассасаларида таълим-тарбия жараёнига татбиқ этиш йўлларини кўрсатиб беради.

5. Вилоят методика марказларида мактабгача таълим муассасаларининг тажрибали педагоглари таркибидан йўналишлар (раҳбар, методист, тарбиячи, логопед, дефектолог, психолог, мусиқа раҳбари, жисмоний тарбия йўриқчиси) бўйича тренерлар гуруҳи ташкил этилади. Тренерлар ҳар бири ўз йўналиши бўйича янги методик тавсиялар ва меъёрий ҳужжатлар билан метод уюшма раҳбарлари учун икки ойда бир марта таништирувчи машғулотлар ташкил этади.
6. Туман (шаҳар) миқёсидаги илғор педагогик иш тажрибаларини ўрганади ҳамда улардан энг самаралиларини Методика уюшмаси қарори билан туман (шаҳар) бўйича оммалаштиради. Туман (шаҳар) миқёсида оммалашган инновацион иш услубларига эга муассасалар иш тажрибасини вилоят бўйича оммалаштиришга тавсия этади.
7. Таълим муассасалари тарбиячиларининг методик ва касбий маҳоратларини такомиллаштириш мақсадида, таълим-тарбия фаолиятининг замон талабига мослигини, қўйилган талабларнинг бажарилиши ва ижодий фикрларнинг таълим жараёнига тўғри йўналтирилганлигини кузатиб боради.
8.”Мактабгача ёшдаги болаларнинг ривожланишига қўйилган Давлат талаблари”нинг йўналишлар бўйича бажарилиши ва таянч дастурининг ишлашини таъминлашга раҳбарлик қилади.
9.”Мактабгача ёшдаги болаларнинг ривожланишига қўйилган Давлат талаблари”нинг ижросини ўрганиш учун зарур бўлган тест топшириқлари ва бошқа назорат материалларини тайёрлашда ишларини амалга оширади.
10. Шаҳар ва туманда тегишли таълим йўналишининг тадбиқ этиш аҳволини ўрганади, таҳлил қилади. Мактабгача ёшдаги болаларнинг Давлат талаблари асосида эгаллаган малака ва кўникмаларидаги бўшлиқларни аниқлайди ва уларни тўлдириш юзасидан чора-тадбирлар белгилайди.
11.“Мактабгача ёшдаги болалар ривожланишига қўйилган Давлат талаблари” ижросини таъминлаш, таълим сифат ва самарадорлигини ошириш, таълим–тарбия жараёнини илғор педагогик технологиялар билан бойитиш, унга янги инновацион ғояларни татбиқ этишга кўмаклашувчи тавсиялар ишлаб чиқади ва уларни таълим муассасаларига етказади .
12. Туман (шаҳар) миқёсида тегишли таълим йўналишларининг методик таъминотга бўлган эҳтиёжини аниқлайди.
13.Янги таянч дастури, методик қўлланма ва бошқа янги методик нашрлар, шунингдек таълим-тарбия жараёнига доир илмий мақолаларни ўрганади ва муҳокама қилади.
14. Халқ таълими бошқарув органлари кўрсатмаси билан соҳага оид яратилаётган янги дастур, қўлланмаларни таҳлил қилади ва асосланган хулосалар тақдим этади.
15. Мактабгача таълим муассасаларини махсус санитария-гигиена талаблари асосида жиҳозланишига методик ёрдам беради.
16. Туман (шаҳар) миқёсида тегишли йўналиш бўйича илғор педагогик технологиялар, илғор иш тажрибаларини ўрганишга йўналтирилган ўқув-методик семинарлар ташкил этади.
17. Туман (шаҳар) миқёсида тарбиячиларнинг узлуксиз малака ва маҳоратларини ошириб боришларини таъминлайди.
18. Туман (шаҳар) мактабгача таълим муассасаларининг илғор педагогик тажрибалари, ижодкор тарбиячилари ҳақида ахборотлар базасини ташкил этади.
19. Таълим муассасаларида турли йўналишдаги тўгараклар фаолияти ва ноанъанавий гуруҳларнинг ишларини ўрганади, уларга тегишли ёрдам кўрсатади.
20. Туман (шаҳар) миқёсида ўтказиладиган иккинчи босқич кўрик- танловларни ўтказишга ёрдам беради.
21. Таълим муассасаларининг янги ўқув-методик адабиётлар билан таъминланишини назорат қилади.