Ўзбекистон Республикаси Халқ таълими вазирлигининг 2011 йил

IV. Педагогика кенгаши хуқуқлари

21. Педагогика кенгаши мактабгача таълим муассасаси фаолиятини ривожлантириш йўналишининг истиқбол режасини белгилайди.

22. Мактабгача таълим муассасасининг ўз олдига қўйган мақсад ва вазифаларнинг бажарилиш йўлларини белгилаб беради ва ижросини таъминлайди.
23. Таълим-тарбия жараёнини ташкил қилишда турли шакл ва методларни ишлаб чиқади.
24. Ўз ваколати доирасида ишлаб чиқилган ҳужжатларни муҳокама қилади ва тегишли қарорлар қабул қилади.
25. Педагогларнинг малака оширишдан кейинги амалга оширадиган вазифалари юзасидан ишлаб чиқилган истиқбол иш режасини тасдиқлайди ва уларнинг ижросини таъминланишини назорат қилади.
26. Мактабгача таълим муассасаси Уставига мувофик педагог ходимларни рағбатлантириш ва жазолаш бўйича масалаларни ҳал қилади.


V. Педагогика кенгаши баённома дафтарининг юритилиши

27. Педагогика кенгаши баённомаси ёзиладиган дафтарнинг кириш қисмида кенгаш ўтказиладиган сана, баённома тартиб рақами, қатнашган педагоглар сони, кенгаш раиси ва котибининг исми, шарифи ёзилади, қатнашмаган педагогларнинг қатнаша олмаслик сабаблари кўрсатилган ҳолда фамилиялари тартиб бўйича ёзиб чиқилади.

28. Баённомалар дафтарида Педагогика кенгаши кун тартибига киритилган масала муҳокамаси, кенгаш аъзолари киритган таклиф ва мулоҳазалар ҳамда кун тартибидаги ҳар бир масала юзасидан қабул қилинган қарорлар қайд этиб борилади. Кун тартибига “Турли масалалар” ёки “Бошқа масалалар”нинг киритилишига йўл қўйилмайди.
29. Баённомаларда йўл қўйилган хатоликлар изоҳланади ва кенгаш раисининг имзоси билан тасдиқланади. Баённомалар аниқ, озода, равон ҳуснихат билан ёзилади, дафтарнинг ҳар бир саҳифаси рақамланади, тикилади.
30. Баённомалар дафтари туман (шаҳар) халқ таълими муассасалари фаолиятини методик таъминлаш ва ташкил этиш бўлими мудири томонидан, нодавлат мактабгача таълим муассасалари учун муассис томонидан имзоланади ва муҳрланади.
31. Кенгаш баённомаси Педагогика кенгаши раиси ва котиби томонидан имзоланади ва муҳрланади.
32. Педагогика кенгаши баённомаси ҳар ўқув йили бошида янгидан рақамланади.