Ўзбекистон Республикаси Халқ таълими вазирлигининг 2011 йил

Методика марказлари ҳуқуқлари

5. Методика марказлари ўзига юклатилган мақсад ва вазифаларни амалга оширишда қуйидаги ҳуқуқларга эга:

ўқув-методик хизматни ташкил этишга вилоятдаги ўқув юртларининг профессор-ўқитувчилари, методист-олимларини эксперт ҳамда тақризчи сифатида жалб қилиш;
Методика маркази ўз ваколатига тегишли масалаларнинг таълим муассасаларида ижросини ўрганиш, таҳлил қилиш мақсадида ходимлари ва мактаб ўқитувчиларини вилоят Халқ таълими, бошқармаси бошлиғи билан келишилган ҳолда жойларга хизмат сафарларини ташкил этиш ва амалий ёрдам уюштириш;
ўз зиммасига юклатилган вазифаларни бажариш учун белгиланган тартибда ўқув муассасаларидан зарур ахборотларни олиб туриш;
таълим-тарбия соҳасида илғор иш тажрибаларни ўрганиш ҳамда ўзаро тажриба алмашиш, мутахассислар малакасини ошириш мақсадида вилоят Халқ таълими бошқармаси бошлиғи билан келишилган ҳолда, режа асосида методистларни стажировкага юбориш;
Марказ ходимлари узлуксиз методик маҳоратини ошириб бориш учун иш вақти ҳисобидан таълим муассасаларида ҳафтасига 6 соат дарс ўтиш;
изланувчан ва ижодкор ходимларни рағбатлантириш мақсадида Методика маркази қошида бюджетдан ташқари маблағ топиш учун қонунларда белгиланган тартиб асосида педагогик сервис йўналиши бўйича ишларни ташкил этиш;
Методика маркази ходимлари вилоят, Методика кенгаши, фан Методика уюшмалари, мактаб Методика кенгашлари, мактаб фан Методика бирлашмалари йиғилишларида, шунингдек, улар томонидан ўтказиладиган турли амалий машғулотларда қатнашиш;
вилоят Халқ таълими бошқармасининг мониторинг бўлими билан ҳамкорликда таълим муассасаларида давлат таълим стандартлари (давлат талаблари) бажарилиши юзасидан таълим олувчиларнинг билим, кўникма ва малакаларини аниқлашга доир назорат ишларини ўтказиш;
таълим муассасалари раҳбар ходимларининг методик хизматга оид масалаларни ҳал этиш, тегишли ахборот ва маълумотлар олиш, Методика маркази кенгашида муҳокама қилиш ҳамда хулоса бериш ҳуқуқларига эга.