Ўзбекистон Республикаси Халқ таълими вазирлигининг 2011 йил

IV. Методика марказининг таркибий тузилиши.

6. Методика марказининг таркибий тузилиши Ўзбекистон Республикаси Халқ таълими вазирлиги томонидан белгиланган тартибда ташкил қилинади.

7. Методика маркази қошида ўқув фанлари ва йўналишлари бўйича Ўқув-методик кенгашлар ташкил этилади. Кенгаш Халқ таълими вазирлиги томонидан тасдиқланган Низом асосида фаолият кўрсатади.

V. Методика марказини бошқариш

8. Методика марказига Республика таълим марказидан суҳбатдан ўтган Вилоят Халқ таълими бошқармаси томонидан тайинланган директор раҳбарлик қилади. Марказ директорлигига камида 5 йиллик педагогик иш тажрибасига эга бўлган ташаббускор мутахассис тайинланади. Методика маркази директори Марказ зиммасига юклатилган барча вазифаларнинг бажарилишига шахсан масъулдир.

9.Методика маркази директорининг ўринбосари камида 3 йиллик педагогик иш тажрибасига эга бўлган малакали мутахассислардан тайинланади.
10.Методистлар директор билан келишилган ҳолда камида 3 йиллик педагогик иш фаолиятига эга бўлган мутахассислардан танланади ва меҳнат шартномаси асосида ишга қабул қилинади.
11. Методика маркази директорининг ўринбосари, методистлари марказ директори томонидан тасдиқланган иш тақсимоти асосида фаолият олиб боради.
12. Марказ қошида 7-13 кишидан иборат методик кенгаш тузилади. Методик кенгаш йиллик иш режага асосан фаолият кўрсатади.


IV. Марказда методик кенгашлар фаолиятини ташкил этиш

13. Таълим муассасаларига Давлат таълим стандартлари (Давлат талаблари) талаблари асосида таълим жараёнини ривожлантириш, таълим-тарбия сифат-самарадорлигини ошириш борасида методик хизмат жараёнини ўрганиш, таҳлил қилиш ва камчиликларни бартараф этишга оид масалаларини муҳокама килиш, чора–тадбирлар белгилаш, таълим тараққиёти учун самара берадиган янгиликларни жорий этиш бўйича тавсиялар, йўлланмалар тайёрлаш ва бошқа муҳим педагогик масалаларни амалга ошириш юзасидан методика маркази директори, унинг ўринбосарлари, методистлар ва туман методика кабинети мудирларидан иборат методик-кенгаш ташкил этилади.

14. Методик-кенгаш Марказнинг йиллик иш режасига асосан белгиланган масалаларни ҳар ойнинг 3-жума куни муҳокама қилади.
15. Методик кенгашни Марказ директори, у бўлмаган тақдирда директор ўринбосари чақиради ва ўтказади.
16. Методик- кенгашнинг кун тартиби ва унда муҳокама этиладиган масалалар Кенгаш ўтадиган кундан камида 10 кун олдин тайёрланади ва директор, у бўлмаган тақдирда директорнинг ўринбосари томонидан маъқулланади. Кенгаш муҳокамасига киритилган масалалар ва унинг кун тартиби кенгаш аъзоларига кўриб чиқиш учун йиғилишдан 3 кун олдин тарқатилади.
17. Йиғилишда Кенгаш раиси қарорига кўра халқ таълими бўлимининг барча мутахассислари, таълим муассасалари раҳбарлари, тегишли мутахассислар, жамоатчилик ташкилотлари вакиллари қатнашишлари ва кўрилаётган масала бўйича маъруза қилишлари мумкин.
18. Мажлис кун тартиби, санаси ва ўтказиш вақтини методик-кенгаш аъзоларига етказиш, иштирокчиларни рўйхатга олиш, муҳокамадаги масалалар бўйича маърузаларни ёзиб олиш, мажлис баёнини расмийлаштириш кенгаш илмий котиби томонидан амалга оширилади.
Кенгаш қарорлари ва директор буйруқлари имзоланган куни расмийлаштирилади ва улар шу кундан бошлаб кучга кирган деб ҳисобланади. Ушбу ҳужжатлар 1-2 кун ичида ижрочиларга ва жойларга етказилади.
19. Кенгаш қарорлари ижросининг назорати кенгаш котиби томонидан амалга оширилади.