Ўзбекистон Республикаси Хал= таълими вазирлиги

11-мавзу: «Дастурхон одоби»
Араз
Ёқимли ҳид чиқиб турган ошхонага кирган Чарос:
-Ойи, бугун нима овқат?-деб сўради.
-Қовурма, қизим.
-Э, қовурма емайман,-деди у чақалоқдек лабларини чўччайтириб.
-Нима ейсан бўлмаса?-сўради онаси жиғибийрон бўлиб,-ҳар куни шу аҳвол: палов қилсам, «сутли ош ичаман», дейсан, сутли ош қилсам, «карам шўрва» дейсан, қанақа қизсан ўзинг? Бор, емасанг ема! Чарос онасидан анчадан бери бунақа аччиқ гап эшитмагани учун анграйиб қолди, сўнг оёқларини тапиллатиб йиғлай бошлади.
-Йиғлама, бўлди,-онаси жеркиб берди. Чарос кўзлари қизариб югурганича хонасига кирдида, ўзини ёстиққа ташлаб тумтайиб олди.
Орадан бир оз вақт ўтгач, онаси билан дадаси уни овқатга чақиришди, лекин Чарос овқатга келмади, аразлаб ётаверди. Бир пайт Чарос кўзларини очди, чироқ ўчган, ошхона, меҳмонхона ҳам қоронғи. Унинг қорни очқади, аввалига нима қилишини билмади, ўрнидан туриб ўтирди-да, ўйланиб қолди. У ошхонага кирди, стул устига чиқиб чироқни ёқди, саватни қараса, нон йўқ. У нима қилишини билмай чойнакни кўтариб кўрди, чойнак ҳам бўм-бўш эди, охири бориб қозонни қопқоғини кўтарди, «ҳеч нарса қолдиришмабди-ку, энди нима қиламан, қорним бирам таталаяптики, қанийди, озгина бўлсаям қовурмадан бўлса, мазза қилиб еб олардим, қовурма ҳам ширин-ку, ҳа, ширин». Чарос ошхона ўртасида ҳайкалдек туриб қолди, уф тортди, кўзларини юлиб очди қорни хуштак чалгандек бўлди, ўртоқларига ҳаваси келиб кўзларидан ёш қуюлиб, полга томди. «Оч ётавераманми, ойижон, кечиринг, энди сираям аразламайман»-у эндигина бақириб юбормоқчи бўлганда, ошхонанинг эшиги очилиб онаси кўринди:
-Ҳа, қизим, бу ерда нима қилиб турибсан?
Чарос онасини маҳкам қучоқлади.
-Ойижон, энди...энди сираям, - у гапини давом эттиролмай йиғлаб юборди.


Кулча нон Т.Ортиқхўжаев
Нон ёпганда менинг ойим,
Кичик кулча ёпар доим.
Кулча жуда маззали,
Седанали, жиззали.
Еган сайин егим келар,
«Раҳмат ойи», дегим келар.
Одоб Ю.Толипов
Қўйилди дастурхонга
Чинни лаганда палов,
Қўл узатди Шодивой
Биринчи бўлиб дарров
Шодивойнинг иши тўғрими?