Ўзбекистон Республикаси Хал= таълими вазирлиги

Раҳматни жойига айт...
Кунлардан бир кун Ибн Сино далаларда доривор ўсимликларни териб юрган экан. Бу орада дам олиб ўтирган подшоҳ қўшинларига дуч келибди. Ибн Синони кўрган подшоҳ кишилари:
- Сен кимсан? Нега бу ерларда санғиб юрибсан? -деб сўроққа тутишибди.
- Мен табибман, доривор ўсимликларни териб юрибман,-деб жавоб берибди Ибн Сино.
- Табиб бўлсанг, подшоҳимизни тузатасан. Улар, мана неча йилдирки, оғир касалликка учраганлар, табиблар даволай олмаяптилар, сен тузатсанг тузатдинг, йўқса ўласан,-дейишибди ва уни подшоҳнинг олдига олиб келишибди. Ибн Сино подшоҳнинг касалини аниқлай олмабди.
- Эй, улуғ подшоҳ, мен билан 40 кун туришингизга тўғри келади, дебди.
Подшоҳ рози бўлибди. Ибн Сино ҳар куни
- Шоҳни тоғнинг ҳув ана у жойига олиб боринглар, ҳув манави жойига олиб боринглар, - деб соя­салқин, ҳавоси тоза, тиниқ сувларга ишорат қилибди ва ўзи доривор ўсимликлар тераверибди. Нима бўлибди-ю ҳаво ёқибдими, подшоҳ кундан-кун соғайиб борибди. 40 кун деганда бутунлай соғайиб кетибди.
- Сен зўр табиб экансан, тузалиб кетдим, раҳмат,-дебди подшоҳ.
Ибн Сино:
-Подшоҳим, раҳматни менга эмас, ён-атрофингиздаги табиатга айтинг. Шу жой, ҳаво, доривор ўсимликларнинг ҳиди бўлмаган-да, сиз тузалмаган бўлар эдингиз. Бу ернинг об-ҳавоси, суви ҳам, доривор ўсимликлари ҳам шифобахш. Шуларнинг ҳаммаси сизни даволади.
Соғайиб қолганидан хурсанд бўлган подшоҳ Ибн Синога бир от билан бошдан оёқ сарпо ҳадя қилибди.

Мақоллар. Ерга меҳр – элга меҳр. Ерга қарасанг – боғ бўлур, кўнгил очилиб , чоғ бўлур. Ерни тепма , жони бор, уриб турган қони бор

Она табиат Тошпулат Холматов Қиш дер- кумуш қорим бор , қорбобо ясанг! - Гулим кўркам, -дер баҳор гулдаста ясанг! Ёз дер- сувим беғубор, суз, балиқ мисол! Куз дер-мевали болим бор, бари сенга, ол! Демак, Она табиат бизни дер ҳар вақт!

36-мавзу: «Воқеабанд ижроли ўйинлар орқали болаларга аҳлоқий тарбия бериш»
Воқеабанд-ижроли ўйинларни тўғри ўйнашда болаларга раҳбарлик қилиш, улар орқали болаларда аҳлоқий сифатларни тарбиялаш. Болаларда воқеабанд ўйинлар орқали ҳалқимизнинг энг яхши урф-одатлари: меҳмон кутиб олиш, уларга қандай муносабатда бўлиш, бунда катталар ва кичикларнинг вазифалари меҳмонлар олдида ўзини тута билиш ва меҳмон кутиш жараёнидаги меҳнат намуналарини шакллантириш.