Ўзбекистон республикаси халқ таълими вазирлиги республика таълим маркази

Умумий чидамлилик – сузувчининг узоқ вақт ишончли ҳаракати билан белгиланади.
Махсус чидамлилик – махсус машқларни бажариш билан белгиланади. Ўз вақтида махсус чидамлилик куч ва тезликка бўлинади.
Куч чидамлилиги – куч сарф қилинадиган машқларни узоқ вақт бажаришга қаратилган. Бу сузувчининг кучини кўпайтиришга қаратилган бўлади. Бундай машқлар умумий ва махсус тайёргарликда қўлланади.



Техник тайёргарлик.
Сузувчининг техник тайёргарлиги ҳаракатларни бажаришда, кун тартибида, унинг тайёргарлигида кўринади.
Сузувчининг теxник тайёргарлиги қуйидагиларда кўринади:
а). Сувда ўз ҳаракатларини бошқариш;
б). Xатоларни кўриш, уларни бартараф этиш;
в). Ўз услубини яратиш.
Ҳаракат омиллари ҳар xил сузиш ҳаракатлари бўлиши мумкин. Энг самаралиси комплекс сузишдир. Сузувчи сувда чалқанча ёки қорин билан ётиб, ҳаракатлари бир вақтда кетма-кет бўлиб, бош ҳаракати нафас олишга қулай бўлиши керак.
Ҳар xил ҳолатдаги ҳаракатларни ўрганиб бўлгандан сўнг сузувчи бу ҳаракатларни оёқ, болдир, бўғимлар, товонлар ва бошқа аъзоларни ишлатишга қаратиши керак.
Шу билан бир вақтнинг ўзида сузувчи ўз ҳаракатларини сувда бошқаришга ўрганади. Бу мураккаб жараён: сузувчи ҳаракатларини бошқариши, тўлдириши, ритм услубини яратиши керак.
Сузувчининг услубини яратишда унинг алоҳида xусусиятлари ҳисобга олинса, машғулотдаги теxник тайёргарликлар яxши натижалар беради.
Агар сузувчининг услуби шаклланган бўлса, уни машғулотнинг бошқа кўринишлари билан тайёрлаш керак.


Сузиш билан гуруҳларда шуғулланиш.
Ўқувчиларни сузишга ўргатишнинг самарадорлигини оширишда унинг ҳамма шарт-шароитларини ҳисобга олиш керак. (xавфсизлик, санитар-гигиеник қоидалар).
Амалда ўқувчиларни сузишга ўргатишда қуйидаги бассейнлардан фойдаланилади:
1. Ёпиқ, кам ҳажмли бассейнлар мактаб биноларида, болалар биноларида;
- спорт маданий комплекслар биноларида, "қурбақа" ларда;
- болалар спорт комплексларида бошланғич мактаб учун мўлжалланган мактабларда.
2. Очиқ турдаги кам ҳажмли бассейнлар.
3. Спорт туридаги очиқ ва ёпиқ турдаги бассейнлар.
4. Йиғиш бассейнлар.
5. Табиий сув ҳавзалари; кўл ва дарёлар, қирғоқдаги очиқ бассейнлар.