Ўзбекистон республикаси халқ таълими вазирлиги навоий давлат педагогика институти

 
 
2.8-расм. 
Н. Согиновнинг тўплаган маълумотлари ёш оилалар, можароли оилалар ва ёшлар 
тарбияси билан машғул бўлганлар учун муҳим илмий йўл-йўриқдир.
Бундан ташқари, охирги йилларда катта гуруҳлар психологиясига оид қатор 
тадқиқотлар ўтказилди ва ўтказилмоқда. Масалан, Э. Усмоновнинг ўзбек аёлларининг 
суисидал (яъни ўз жонига қасд қуйиш) хулқ-атворининг ижтимоий-психологик сабабларини 
ўрганишга багишланган тадқиқоти (1993), Фаргона Давлат университети психология 
кафедрасида амалга оширилаётган қатор илмий тадқиқот ишлари, Е. Нуъмонованинг "Ўзбек 
оилаларидаги репродуктив установкаларнинг хусусиятлари" га бағишланган, М. 
Зокировнинг эркак ва аёллардаги роллар ҳақидаги тасаввурларнинг ўзига хослигини 
ўрганишга бағишланган илмий тадқиқоти, М. Тошпўлатовнинг ўзбек ёшларидаги ижтимоий 
хулқ-атворнинг бозор иқтисодиёти шароитидаги ўзига хос қирраларини ўрганишга 
қаратилган ишлари ва бошқалар шулар жумласидандир. Бу тадқиқотлар натижасида яқин 
келажакда янги этнопсихологик консепсия шаклланади ва бу Республикамиздаги илмий 
ишларнинг ривожига ўз ҳиссасини қўшади.
Лекин Ўзбекистонда ижтимоий психологлар олдида жуда муҳим тадқиқот мавзулари 
мавжудки, уларда ҳозирги мустакиллик шароитида шахс ва турли ижтимоий гуруҳлар 
психологиясида руй бераётган ўзгаришлар, турли ёш, демографик, этник, профессионал 
гуруҳларга мансуб бўлган кишиларнинг ижтимоий тасаввурлари, улар асосида ижтимоий 
хулқ-атворни илмий бошқариш асослари ишлаб чиқилмоғи лозим. Яъни, ишлаб чиқариш 
ижтимоий психологияси, бошқариш психологияси, гуруҳлар психологияси ҳамда оммавий 
психик жараёнларнинг таъсири масалалари ўзбек психологларидан ўз ечимини кутмоқдаки, 
уларда илғор фан ютуқларидан фойдаланилган ҳолда ҳудуднинг миллий ўзига хос қирралари 
ишлаб чиқилиши керак. 
Мавзуни мустаҳкамлаш учун саволлар: 
1. Ижтимоий психология фан сифатида таркиб топишнинг ижтимоий, илмий ва ғоявий 
асослари. 
2. Ижтимоий психологиянинг вужудга келиши. 
3. Турли ижтимоий – психологик назарияларнинг пайдо бўлиши. 
4. Рус психологиясида олиб борилган ижтимоий-психологик тадқиқотлар. 
5. Ҳозирги кунда ижтимоий психология олдида турган асосий масалалар. 
6. Ижтимоий психология ривожланишининг ҳозирги давридаги аҳволи.