Ўзбекистон республикаси халқ таълими вазирлиги мактабгача муассасалар ходимларини қайта тайёрлаш

Болалар психологияси фанининг бошқа фанлар билан алоқаси.


Фалсафа ва болалар психологияси.
Фалсафа-табиат, жамият ва инсон тараққиётининг энг умумий қонунлари хақидаги фан. Фалсафа қонунлари бошқа фанларнинг, шу жумладан, болалар психологияси фанининг қонунлари бўлиб ҳисобланади. Масалан, фалсафа қонунлари орасида диалектика таъълимотининг уч қонуни-қарама қаршиликлар бирлиги ва кураш, миқдор ўзгаришларининг сифат ўзгаришларига ўтиш, инкорни инкор этиш қонунлари асосий ўринни эгаллайди. Бола тараққиёти ҳам қарама-­қаршиликлар бирлиги ва кураш, яъни мавжуд эхтиёжлар билан бола­нинг реал имкониятлари ўртасидаги кураш натижасидир. Фалсафа қонунлари болалар психологияси фани учун методологик асос бўлиб хизмат қилади.
Педагогика ва болалар психологияси.
Педагогика-таълим ва тарбия қонунлари, метод ва усуллари хақидаги фан. У таълим ва тарбиянинг мақсад ва воқеаларини, улар­нинг шахс тараққиёти ва жамият ҳаётидаги ўрнини очиб беради. Педа­гогика ва психология фанларининг инсонга таълим ва тарбия бериш сохасидаги ҳамкорлиги чуқур тарихга эга. Ўз даврида машхур рус педа­гоги КА.Ушинский педагогика баркамол шахс тарбиясининг режасини ишлаб чиқиши учун инсон хақидаги барча фанларнинг ютуқларига тая­ниши кераклиги, бу фанлар орасида зеа психология марказий ўрин эгаллашини таъкидлаган эди. Болага таълим ва тарбия беришга оид ва­зифаларни ҳал этишда педагогика қандай қилиб таълим-тарбия бериш кераклигини айца, психология нима учун айнан шундай қилиш керак­лигини аниқлайди. Масалан, педагогика мактабгача ёшдаги болалар таълими ва тарбиясида ўйин усулларидан фойдаланиш кераклигини таъкидлайди. Психология эса бунинг сабаби ушбу ёш даврида ўйин йетакчи фаолият эканлигини тушунтиради.
Тиббиёт ва болалар психологияси.
Тиббиёт-инсон саломатлиги ва касалликлари, касалликларнинг ол­дини олиш ва уларни даволаш, шунингдек, саломатликни мустахкамлаш ҳақидаги фан. Тиббиёт ва психологиянинг ўзаро ҳамкорлиги натижасида психосоматика - психологик омилларнииг са­ломатликка касалликлар келиб чиқишга таъсирини ўрганади. Болалар­да учрайдиган кўпгина касалликларнинг манбаи психологик ҳарактерга эгадир. Масалан, Тадқиқотларнинг кўпсатишича, бронхиал астма билан оғриган касалларнинг кўпчилигига болалигидан ота-оналари эмоциялар­ни эркин ифодалаш, ташаббус кўрсатиш имкониятини чегаралаганлар.