Ўзбекистон республикаси халқ таълими вазирлиги а.ҚОдирий номидаги жиззах давлат педагогика институти

Савол ва жавоб кечалари. Ана шундай кечалар аудиториядан ташқари ишларни бошлашда фойдали, чунки талабалар саволларига жавоб бериб, психология ўқитувчиси шу билан психология соҳасида чуқур ишлаш кераклигини кўрсатади ва шу мақсадда тўгарак ташкил этишни таклиф этади. Талабаларни ёзма ҳолда берган саволларини олдиндан гуруҳларига ажратиб олиш мақсадга мувофиқдир. Бу саволларнинг баъзиларига ўқитувчининг топшириғи ва ёрдами билан талабалар ўзларини тайёрлашлари мумкин.
Психологик тўгарак. Тўгаракда иштирок этиб талабалар маърузалар ва рефератив ахборотлар беришлари мумкин. Ҳисобот ва ахборотлар мавзулари психология курси дастури мавзуларини такрорламаслиги керак. Уларда дастурга киритилмаган, лекин талабаларнинг турли ҳаётий фактлар билан дуч келганларида илмий тушунчага эга бўлмаган ва шунинг учун кўпинча нотўғри талқин этиладиган саволларни ёритиш керак. Буларга мисол қилиб, шуларни кўрсатиш мумкин: «Туш ва туш кўриш», «Таъсир кўрсатиш, ўзини ишонтириш ва гипноз», «Психиканинг сирли ҳодисаси», «Шахс ва ақл», «Ҳайвонлар ақллари». Тўгаракларда мисол учун, ана шу саволларни қўйиш ва муҳокама қилиш мумкин:

• 
  Психикага доир материалистик ва идеалистик қарашлар.
  
• 
  Олий нерв фаолияти физиологияси бўйича янги маълумотлар.
  
• 
  Ижодий фаолият психологияси (бу савол ёшларни ҳар доим қизиқтириб келган).
  
• 
  Тиббиёт психологияси масалалари (бу эрда инсон психикаси психологик ўзгаришининг баъзи кўринишларини кўриб чиқиш мумкин).
  
• 
  Шахс иродаси ва характери шаклланиши билан боғлиқ саволлар.
  

Тўгаракда ишлашга қизиқиш одатда хотиржам эркин вазиятда психологияга доир саволлари, талабаларни қизиқтирган муаммолар, уларга янги билимлар берадиган масалаларни ўрганиб чиқиш билан юзага келади. Талабаларнинг ҳисоботларини муҳокама қилиш жараёнида янги саволлар пайдо бўлади, улар тўгаракнинг кейинги машғулотларида муҳокама қилинади. Шу билан бирга баҳслашишдан қочиш керак эмас. Баъзи саволларни билиб туриб муҳокамага қўйиш керак. Бундай тортишувлар талабалар ҳимоя қилаётган қоидаларни мустақил равишда чуқур ўрганиб чиқишни талаб этади. Тортишувлар ақлнинг танқидийлиги ва ўткирлигини ривожланишига ёрдам беради, шунингдек, китобларга мурожаат этиш, қўйилган саволга жавоб излаш, муаммони исбот қилиш, таққослаш ва муҳокама этишга чорлайди. Лекин баҳслашувга яхши тайёрланган бўлиши, баҳс иштирокчилари эса ўз чиқишларини олдиндан тайёрлаши керак.