Ўзбекистон республикаси халқ таълими вазирлиги а.ҚОдирий номидаги жиззах давлат педагогика институти

Учрашувлар – кечалари. Бу учрашувлар энг яхши ўқитувчилар, болалар учун театр қўйган режиссёрлар билан, болалар қонунбузарликлари билан шуғулланувчи прокуратура ходимлари бўлишлари мумкин. Бу учрашув кечалари ҳам олдиндан тайёрланади. Муҳими талабаларни қизиқтирадиган саволларни белгилаб олиш керак. Суҳбат мазмуни бола шахси шаклланиши ҳақида, болалар психикаси хусусиятлари тўғрисида талабаларнинг психологик билимларига асосланиши керак. Муҳокама этиладиган саволлар оркали улар суҳбатга тайёрланиб боришлари учун талабаларга олдиндан маълум қилгани максадга мувофикдир.
Кичик тажриба тадқиқотлари. Бундай мураккаб бўлмаган тажрибаларни талабалар мустақил равишда ўқитувчи раҳбарлигида ўзлари ўтказадилар. Натижалари ҳақида талабалар тўгарак йиғилишларида ёки бунинг учун махсус ташкил этилган мажлисларда ахборот беришлари мумкин. Бу ахборотларда психологларнинг тажриба ишлари натижалари ҳам келтирилиши мумкин.
Талабаларни милитсиянинг болалар хонаси ишида иштироклари, бу эрда улар назоратсиз болалар оилавий ва турмуш шароитлари билан танишадилар, балоғатга этмаганлар ишларини кўришда иштирок этадилар, милитсия рўйхатида турувчи болалар ва ўсмирларни индивидуал оталиққа оладилар. Психология ўқитувчилари уларга керакли ёрдам кўрсатадилар, маслаҳатлар берадилар. Аудиториядан ташқарида бажарган ишлари ҳақида маълумотлар психологик тўгаракларда муҳокама қилинади.
Болалар билан ишлаб, уларнинг хулқидаги четланишларни сабабини аниқлаш ва уларни бартараф этишга интилиб талабалар бола психикаси ва унинг шахси шаклланишини шароитларини яхшироқ тушуна бошлайдилар. Бу фаолият ижодий характерга эга бўлади, талабаларда ўз ишларининг натижаларига эришишга интилиш уйғотади, тўғри қарорларни мустақил излашга ундайди, одамларга ўйлаб ва эътибор билан муносабатда бўлишга ўргатади.
Талабаларнинг мактабдаги тарбиявий ишлари ўқувчиларни ўрганиш ва уларни психологик тузилишини тавсифлаш ҳамда аудиториядан ташқари ишларда муҳокама этилиши мумкин. Тўгарак йиғилишларида болаларнинг одоблари, уларга таъсир кўрсатиш чоралари муҳокама қилинади, ўқувчилар мустақиллиги ва фаоллиги ўрганилади, болалар жамоасида юзага келадиган турли муносабатлар, шахс шаклланиши ва унинг ривожланиши билан боғлиқ бошқа масалалар муҳокама этилади.
Ўқиб чиққан китобидаги қаҳрамонларининг ҳаракатлари ва характерларини муҳокама қилиш. Бундай ишларнинг мақсади- одамларнинг психологик хусусиятларини очиш, уларнинг ҳаракатлари ва ишлари сабабларини, ҳаёт шароитларини ва тарбиянинг шахс шаклланишига таъсири ўрганилади. Муҳокама асари танлаганда, унда иштирок этаётган шахсларнинг фикрлари ва ҳиссиётлари, уларнинг ҳаракатлари сабаблари аниқ, яққол кўрсатилган бўлиши керак. Турли синфларда, турли шароитларда шахс шаклланиши ҳақида фикр юритиш мумкин бўлган асарлар қизиқарли бўлади.