Оила, фуқаролик жамияти ва давлатнинг ахлоқий асослари. Ахлоқий маданият ва касбий одоби. Шахс ахлоқий тарбияси. Санъатнинг шахс ахлоқий тарбиясига таъсири. “Оммавий маданият”нинг ёшлар дунёқарашига ижобий ва салбий таъсири

Оила ва никохнинг ахлоқий асослари унинг ёшлар тарбиясидаги аҳамияти.

Маъруза режаси:

• Муҳаббат, оила никоҳнинг ахлоқий асослари
• Оила - маънавий ижтимоий муҳит сифатида.
• Фуқаролик жамияти ва давлатнинг ахлоқий асослари.

МУҲАББАТ

Муҳаббатнинг объекти доимо гўзаллик, манфаатсиз гўзалликдир;

Муҳаббатни қалбига жо қилган инсон, нурафшон келажакка интилади. Шунинг учун инсон бор экан, у ҳар доим муҳаббатни улуғлайди.

Муҳаббат – Аллохгами, Ватангами, ёргами - муҳаббат эгасига унданда гўзалроқ нарса йўқ.

Муҳаббат, бу - ҳар бири ўзлигини сақлаган ҳолатдаги икки кишининг бирлашуви. Муҳаббат, бу - ҳаракат, ором эмас, фаоллик - кузатиш эмас. Севиш - олиш эмас, бериш. Севгида инсон ўзи учун энг бебаҳо бўлган ҳаётининг бир қисмини - ҳиссиёти, билими, кечинмаларини ўзгага бағишлайди. Буни у ўрнига нимадир олиш учун қилмайди, ана шу «бағишлаш»нинг ўзи нафис бир лаззатдир. Эрих Фром Инсон ўзи ўзгага айланганида, ўзгани ўзига айлантира олганида ҳақиқий муҳаббат эгаси ҳисобланади. Мана шу объект билан субъект орасидаги фарқнинг йўқолиши энг буюк, энг мукаммал лаззатдир. Агар инсон ўз «ярмини» топиш ва севиш бахтига эришса, у бошқа жуфт излашга ҳеч қачон интилмайди, бутун борлиғини ўз севиклисига бўлган муҳаббатга бағишлайди.

Никоҳ

• Никоҳ инсонларнинг табиий, иқтисодий, ҳуқуқий, маънавий муносабатларига асосланган ижтимоий бирлигидир.
• Никоҳ ихтиёрийдир. У икки жинс вакилларининг ўзаро розилиги билан тузилади.
• Никоҳни қайд қилиш бу – юридик актдир.
• Никоҳ оиланинг ҳуқуқий асосидир.
• Никоҳ бир оилага мансуб кишиларнинг бир – бирлари олдида, жамият олдида ҳуқуқ ва мажбуриятларини, ахлоқий ва ҳуқуқий масъулиятларини белгилайди.
• Никоҳга кираётган ҳар бир кимса бундан буён ўз эркининг бошқа бир эрк билан келишиб яшашини, ихтиёрий тарзда чекланиб, нисбийлашган ҳолда мавжуд бўлишини англаб етмоғи лозим.
• Никоҳ ўз моҳиятига кўра ахлоқий ҳодиса. Унда эҳтирослар ахлоққа бўйсундирилади.