Ўзбекистон республикаси фанлар академияси ўзбек тили, адабиёти ва фольклори институти ҳузуридаги илмий даражалар берувчи dsc

Тадқиқотнинг амалий натижаси
:
миф 
ва 
ёзма 
адабиёт 
муносабати 
муаммосининг 
ўзбек 
адабиётшунослигида ўрганилиши масаласи тарихий-хронологик жиҳатдан 
тадқиқ этилган ҳамда ҳозирги ўзбек насрининг мифопоэтик табиатини илмий 
жиҳатдан ўрганишнинг асосий тамойиллари белгиланган; 
ҳозирги ўзбек насридаги мифологик сюжетлар, образлар ва миф 
элементлари иштирок этган асарлар адиб поэтик маҳорати нуқтаи назаридан 
таҳлилга тортилган ва мифологизмларнинг асосий типлари таснифланган; 
бадиий асар матнидаги мифологизмларнинг халқ оғзаки поэтик 
ижодидаги талқинлари аниқланган ҳамда мифопоэтик элементларнинг 
бадиий эволюцияси жараёнига доир илмий кузатишлар олиб борилган; 
ўзбек адибларининг мифологизмлардан фойдаланишдаги ўзига хос 
бадиий маҳорати ёритиб берилган. 
Тадқиқот натижаларининг ишончлилиги
муаммонинг аниқ 
қўйилгани, чиқарилган хулосаларнинг тавсифлаш, қиёслаш, руҳий таҳлил 
каби усуллар билан асослангани, мифологизмларни ўрганишда ўзбек 
адабиётшунослиги ва фольклоршунослигининг турли даврларига оид 
манбаларига таянилгани билан белгиланади. 
Тадқиқот натижаларининг илмий ва амалий аҳамияти
. Ҳозирги 
ўзбек насридаги мифологизмларнинг поэтик табиати ва талқинларини 
фундаментал тадқиқ этишга бағишланган мазкур диссертация ишининг 
назарий хулосалари мифология ва ёзма адабиётнинг ижодий муносабатлари 
масаласини ўзбек мумтоз адабиёти, ХХ аср адабиёти ва ҳозирги ўзбек 
адабиётининг барча жанрлари материаллари асосида кенг кўламда тадқиқ 
этиш учун йўл очади.
Чиқарилган илмий хулосалар, ишда келтирилган далиллар, назарий 
фикр-мулоҳазалардан олий ўқув юртларида ҳозирги ўзбек адабиёти фани 
бўйича махсус курслар ўтишда ва маърузалар ўқишда, академик лицейларда 
адабиёт фанидан дарс машғулотлари олиб боришда, ҳозирги ўзбек 

---

15 
адабиётидан ўқув қўлланмалари, дарслик ва мажмуалар яратишда кенг 
фойдаланиш мумкин.