Ўзбекистон республикаси Адлия вазирлиги тошкент шаҳар юридик коллежи

Машғулот турлари
Аудитория соатларининг нисбати
1	Маъруза	30%
2	Семинар	70%

Баҳолаш мезонлари
Мазкур фан бўйича баҳолаш жорий, оралиқ ва якуний назоратлар, ёзма имтиҳон ҳамда мустақил иш шаклида амалга оширилади. Мазкур баҳолаш усуллари талабалар билимининг ҳажми ва даражасини, танқидий ва таҳлилий фикрлаш, нотиқлик, ўз фикр ва мулоҳазаларини мустақил асослаб бериш ва ҳимоя қилиш, уларни ёзма шаклда тизимли ва самарали баён этиш кўникмаларини аниқлаш мақсадида ишлаб чиқилган.
Жорий назорат семинар машғулотлари жараёнида амалга оширилиб, унинг доирасида талаба қуйидагиларни намойиш этади:

• 
  ўзлаштирилган ўқув материалларини чегараланган вақт доирасини эътиборга олган ҳолда самарали баён этиш қобилияти;
  
• 
  гуруҳда ишлаш ва амалий мисолларга (фактларга) таянган ҳолда хулосалар чиқариш ёки далиллар келтириш;
  
• 
  танқидий фикрлаш, тарафларнинг фикрини эшитиш ва ўзининг жавобларини тегишли ҳуқуқий терминлардан фойдаланган ҳолда асослаб бериш;
  
• 
  фаннинг айрим мавзулари юзасидан (масалан, ҳуқуқ ижодкорлиги) муайян масалаларни ҳал қилиш учун тегишли ҳуқуқ нормаларини қўллай олиш кўникмалари ва бошқалар.
  

Оралиқ назорат мустақил ёзма иш, тест ўтказиш шаклида амалга оширилади.
Ёзма мустақил иш орқали талабалар қуйидагиларни намоён этади:

• 
  давлат ва ҳуқуқ назариясига оид ностандарт ва мунозарали тусдаги амалий масалаларни аниқлай олиш қобилияти;
  
• 
  мустақил тарзда тадқиқот олиб бориш, аниқланган муаммоларни муҳокама қилиш ва уларни ҳал қилиш йўлларини тақдим этиш қобилиятини;
  
• 
  ўзи томонидан илгари сурилган фикрларни мантиқий изчилликда ва мазмунан тўғри ҳолатда ёзма шаклда баён этиш;
  
• 
  тегишли норматив-ҳуқуқий ҳужжатлардаги нормаларни тўғри қўллаш ва шарҳлаш;
  
• 
  муайян манбаларга ҳавола қилиш (илмий адабиётлар, амалиёт материаллари, миллий ва халқаро норматив ҳужжатлар) кўникмаларини ва бошқалар.