Ўзбекистон республикаси адлия вазирлиги тошкент давлат юридик институти

Ишни юритишни тўхтатиб туриш. 
Конституциявий суд 
тарафлардан бирининг илтимосига биноан, бошқа тараф тақдим этган 
материалларни қўшимча ўрганиш учун, шунингдек, масалани 
кўришнинг нормал боришига тўсқинлик қиладиган ҳолатлар пайдо 
бўлган ҳолларда ишни юритишни тўхтатиб туриши мумкин. 
Тўхтатиб турилган иш юритиш уни тўхтатиб туришга асос 
бўлган ҳолатлар йўқолганидан сўнг тарафларнинг илтимосига ёки 
судьяларнинг ташаббусига биноан, Конституциявий суд томонидан 
қайтадан бошланади. 
Бир масалани кўришнинг тўхтатиб турилиши Конституциявий 
суд бошқа масалаларни кўришига тўсқинлик қилмайди. 
Ишни кўриб чиқишни тугатиш асослари. 
Конституциявий суд 
мажлисида ишни кўриб чиқиш қуйидаги ҳолларда тугатилиши 
мумкин: 
1) Конституциявий суд мажлисига таклиф киритган субъект 
талабларидан воз кечиб, ўз таклифини чақириб олса; 
2) айнан муҳокама қилинаётган масала бўйича Конституциявий 
суднинг қонуний кучга кирган қарори мавжудлиги аниқланса; 
3) конституциявийлиги Конституциявий суд томонидан кўриб 
чиқилаётган норматив-ҳуқуқий ҳужжат ёки муайян норма суд ишни 
кўриб чиқишни бошлагандан сўнг ўз кучини йўқотган ёки бекор 
қилинган бўлса; 
4) Конституциявий суднинг мажлиси давомида масалани кўриб 
чиқишга қабул қилишни рад этиш учун асослар аниқланган тақдирда; 

---

284 
5) 
Конституциявий 
суднинг 
мажлиси 
давомида 
конституциявийлигини текшириш таклиф этилаётган қонун ёки 
бошқа норматив-ҳуқуқий ҳужжат билан ҳал қилинадиган масала 
Конституцияда ўз ечимини топмаганлиги ёки ўзининг моҳияти 
бўйича конституциявий масалалар қаторига кирмаслиги аниқланса. 
Конституциявий суднинг мажлислар залида Ўзбекистон 
Республикаси Давлат гербининг тасвири, Ўзбекистон Республикаси 
Давлат байроғи, Ўзбекистон Республикаси Конституциясининг 
нашри бўлади. 
Қонунда Конституциявий суд судьялари судлов ишини махсус 
кийимда олиб бориши назарда тутилган. 
Конституциявий суд фаолияти муайян кетма-кетликда амалга 
оширилади. Шартли равишда бу жараён қуйидаги босқичларга 
бўлиниши мумкин.