Ўзбекистон республикаси адлия вазирлиги тошкент давлат юридик институти

 
7.4. Ўзбекистон Республикаси Олий суди аппарати. Илмий- 
маслаҳат кенгаш 
Ўзбекистон Республикаси Олий суд ишини ташкил этишни 
бевосита суд раиси ва унинг ўринбосарлари томонидан бевосита 
ҳамда суд аппарати ёрдамида амалга оширилади. 
Ўзбекистон Республикаси Олий судининг тузилиши ва штат 
бирлиги сони Олий суд раиси тақдимномасига асосан Ўзбекистон 
Республикаси Президенти томонидан тасдиқланади. 
Ўзбекистон Республикаси Олий судида ташкилий иш ушбу 
суднинг суд тизимида раҳбарлик мавқеини ҳисобга олган ҳолда 
бошқа суд органларида амалга ошириладиган масалалар бўйича олиб 
борилади. Ўзбекистон Республикаси Олий судида қуйидаги 
масалаларни ҳал қилишга катта эътибор қаратилади: суд ишини 
режалаштириш, келувчиларни қабул қилиш, шикоят, ариза ва 
талабларни кўриб чиқиш, судлов ҳайъатлари, президиум ва Пленумда 

---

220 
хулоса ва протестларни тайёрлаш, суд амалиёти бўйича қисқача 
маълумотлар ва қуйи судларга хатлар тайёрлаш, суд амалиётини 
ўрганиш ва умумлаштириш ҳамда суд статистикасини ташкил этиш, 
меъёрий материалларни тизимлаштириш, Пленум қарорлари 
лойиҳаларини тушунтиришлар билан тайёрлаш, иш юритишни 
ташкил этиш ва бошқалар.
Суд амалиётини ўрганиш ва умумлаштириш ҳамда суд 
статистикасини таҳлил этиш, қонунчиликни тизимлаштириш ва 
тарғиб қилиш ҳамда Ўзбекистон Республикаси Олий суди фаолияти 
билан боғлиқ бўлган бошқа функцияларни бажариш учун аппарат 
таркибида бўлим ва бошқа ташкилий бўлинмалар ташкил этилади.
Ўзбекистон Республикаси Олий суди бўлимларига қуйидагилар 
киради: махсус бўлим; бухгалтерия, шикоятлар ва фуқароларни қабул 
қилиш бўлими; суд амалиётини умумлаштириш бўлими; Пленум 
котибияти; суд амалиёти ва суд статистикасини тизимли таҳлил 
қилиш бўлими; котибият (канцелярия); кадрлар бўлими; Ҳарбий 
ҳайъат 
котибияти; 
“Ўзбекистон 
Республикаси 
Олий 
суди 
ахборотномаси” нашриёти; хўжалик бўлими.
Ўзбекистон Республикаси Олий суди бўлимларида бўлим 
бошлиқлари; катта маслаҳатчилар, маслаҳатчилар, котиблар, 
шунингдек, бошқа хизматчилар ва кичик хизмат қилувчи шахсий 
таркиб ишлайди. Судларнинг штатлар жадвали Ўзбекистон 
Республикаси Олий судининг раиси томонидан тасдиқланади. 
Ўзбекистон Республикаси Олий судининг раиси зарур ҳолларда 
судларнинг штатлар жадвалига штат бирлиги ва меҳнатга ҳақ тўлаш 
фонди доирасида ўзгартиришлар киритади (“Судлар тўғрисида”ги 
Қонуннинг 78-моддаси). 
Ўзбекистон Республикаси Олий суди тузилишида 
махсус 
бўлимлар
ҳам назарда тутилган. Махсус бўлимлар бўйича бўлим 
режимли махфий бўлинма бўлиб, махфий, махсус секторлар ва 
архивдан иборат. Бўлим бевосита Ўзбекистон Республикаси Олий 
суди раисига бўйсунади ва унинг раҳбарлиги остида фаолият 
кўрсатади. Бўлим қонун билан ушбу бўлим зиммасига юклатилган 
мажбуриятларни бажаради.
Ўзбекистон Республикаси Олий суди раиси 
ёрдамчиси.
Ёрдамчи 
раиснинг ташкилий-техник фаолиятини таъминлаш борасидаги 
ишларни амалга оширади. Раиснинг фармонйишлари, буйруқлари, 
топшириқлари 
ижро 
этилишини 
таъминлайди. 
Ўзбекистон 

---

221 
Республикаси Олий суди раиси ёрдамчиси бевосита раисга бўйсунади 
ва унинг раҳбарлиги остида иш юритади.