Ўзбекистон республикаси адлия вазирлиги тошкент давлат юридик институти

8.2. 
Ўзбекистон Республикаси Олий хўжалик суди: 
шаклланиш тартиби, таркиби, тузилиши ва ваколатлари 
“Судлар тўғрисида”ги Ўзбекистон Республикаси Қонунининг 43-
моддасига асосан, Ўзбекистон Республикаси Олий хўжалик суди 
хўжалик суд ишларини юритиш соҳасида суд ҳокимиятининг олий 
органидир. 
Ўзбекистон Республикаси Олий хўжалик суди Қорақалпоғистон 
Республикаси хўжалик судининг, вилоятлар ва Тошкент шаҳар 
хўжалик судларининг судлов фаолияти устидан назорат олиб бориш 
ҳуқуқига эга. 
Ўзбекистон Республикаси Олий хўжалик суди ишларни биринчи 
инстанция суди сифатида, кассация тартибида ва назорат тартибида 
кўради. 
Олий хўжалик суди: 
- республика бошқарув органлари, маҳаллий вакиллик органлари 
ва ижроия ҳокимияти ўртасидаги иқтисодий битимлардан келиб 
чиқадиган низолар; 
- ҳокимият олий органларининг норматив характерга эга 
бўлмаган ҳужжатларини (бутунлай ёки қисман) ҳақиқий эмас деб 
топиш тўғрисидаги ишларни кўриб чиқади. 
Олий хўжалик суди алоҳида ҳолатларни эътиборга олган ҳолда 
ҳар қандай ишни исталган хўжалик судидан олиб қўйиш ва уни 
биринчи инстанция бўйича ўзининг иш юритишига қабул қилишга, 
ишни бир хўжалик судидан бошқасига ўтказишга ҳақли (ХПК 26-
моддаси). 

---

241 
Олий хўжалик суди таркиби.
Ўзбекистон Республикаси Олий 
хўжалик суди таркибига раис, унинг биринчи ўринбосари, 
ўринбосарлари, судлов ҳайъатларининг раислари, Ўзбекистон 
Республикаси Олий хўжалик суди судьяларидан киради ва у 
Ўзбекистон Республикаси Олий хўжалик суди Пленуми; Ўзбекистон 
Республикаси Олий хўжалик суди Раёсати; Фуқаролик ҳуқуқий 
муносабатларидан келиб чиқадиган низоларни ҳал этиш бўйича 
судлов ҳайъати; Маъмурий ҳуқуқий муносабатлардан келиб 
чиқадиган низоларни ҳал этиш бўйича судлов ҳайъати таркибда иш 
олиб боради. 
Олий юридик маълумотга ҳамда юридик ихтисос бўйича камида 
етти йиллик, шу жумладан, қоида тариқасида, судья бўлиб камида 
беш йиллик меҳнат стажига эга бўлган ва малака имтиҳонини 
топширган 
Ўзбекистон 
Республикаси 
фуқароси 
Ўзбекистон 
Республикаси Олий хўжалик суди судьяси бўлиши мумкин. 
Ўзбекистон Республикаси Олий хўжалик суди судьялари 
Ўзбекистон Республикаси Президенти тақдимномасига биноан, 
Ўзбекистон Республикаси Олий Мажлисининг Сенати томонидан 
беш йиллик муддатга сайланади.