Ўзбекистон республикаси адлия вазирлиги тошкент давлат юридик институти шорахметов шоакбар шорустамович

372-м о д д а. Ижро варақаси бериш


Ҳар бир ҳал қилув қарори бўйича битта ижро варақаси берилади. Бироқ, агар ижро турли жойларда ёки бир неча ундирувчининг фойдасига амалга ошириладиган бўлса, суд ундирувчиларнинг илтимосига биноан ижро жойини ёки ҳал қилув қарори ижросининг ҳар бир ижро варақасига тегишли қисмини аниқ кўрсатган ҳолда бир неча ижро варақаси беради.
Бир неча жавобгардан пул суммаларини ундириш тўғриси­даги ҳукм ёки ҳал қилув қарори асосида жавобгарларнинг сони бўйича бир неча ижро варақаси берилади. Бунда, агар шерик жавобгарлардан ундириш назарда тутилаётган бўлса, ҳар бир ижро варақасида ундирувнинг умумий суммаси кўрсатилиши ва шерик жавобгар эканлиги кўрсатилган ҳолда жавобгар­ларнинг ҳаммаси санаб ўтилиши лозим.
Ижро варақаси ундирувчига берилади ёки унинг илтимоси­га кўра ижро қилиш учун бевосита суд томонидан юборилади.


1. Ижро варақасини бериш ундирувчининг талаби бўйича, шунингдек, лозим ҳолларда ишда иштирок этувчи шахсларнинг талабларига кўра ҳам берилиши мумкин. Булардан ташқари, ижро варақасини бериш ва ижро ишларини юритиш процессуал қонун­чиликда белгиланган бошқа шахсларнинг ҳуқуқларини ҳимоя қилувчи органлар, мансабдор шахслар, шунингдек прокурорнинг талабларига кўра ҳам амалга оширилиши мумкин. Умуман олганда, ижро варақасини ундирувчининг хоҳишига кўра ўзи талаб қилиб олиш ёки уни ундириш билан боғлиқ бўлган тегишли жойга юборишни илтимос қилиши мумкин.
2. Аксарият ҳолларда, ижро варақаси битта ундирувчига бир дона ижро варақа берилади. Айрим ҳолларда шерик иштирокчилар қатнашган ишларга (шерик даъвогар, шерик жавобгар) шунингдек, агар ижро турли жойларда ёки турли ҳудудларда ундирилиши лозим бўлган тақдирда ҳам ижрода қатнашчиларнинг сонига қараб берилади. Бундай ҳолларда ҳал қилув қарори ижросининг ҳар бир ижро варақасига тегишли қисмини аниқ кўрсатган ҳолда бир неча ижро варақаси берилади.
3. Юқорида айтилганидек, ундирувчи битта бўлса ҳам бир нечта ижро варақасини олиши мумкин. Масалан, қарздорнинг доимий яшаш жойида ундириладиган мулк етарли бўлмаслиги ва барча қарзларни қоплашга етарли бўлмасада, бироқ қарздорнинг бошқа ҳудудларда мол-мулки бўлган ҳолларда ундирувчининг илтимосига кўра иккита ижро варақаси берилиши мумкин.¹
Шерик жавобгарларга бериладиган ижро варақасида ҳар бир ижро варақасида ундириладиган умумий сумма ва жавобгарлар­нинг ҳаммаси номма-ном кўрсатилиши лозим.