Ўзбекистон республикаси адлия вазирлиги тошкент давлат юридик институти шорахметов шоакбар шорустамович

348¹⁷-м о д д а. Биринчи инстанция судининг ажрими
устидан шикоят берилганлиги (протест
келтирилганлиги) муносабати билан ишни
кўрадиган кассация инстанцияси судининг
ваколатлари


Кассация инстанцияси суди хусусий шикоят ёки хусусий протестни кўриб:
1) ажримни ўзгаришсиз қолдиришга, шикоят ёки протестни эса қаноатлантирмасликка;
2) ажримни бекор қилишга ва ишни моҳиятан кўриш учун биринчи инстанция судига юборишга;
3) ажримни бутунлай ёки қисман ўзгартиришга ёхуд бекор қилишга ҳамда масалани моҳиятан ҳал қилишга ҳақли.


1. Биринчи инстанция судининг айрим масалалар бўйича чиқа­рилган ажримлари устидан кассация шикояти, протести беришга фақат қонунда кўрсатилган ҳоллардагина йўл қўйилади.
Шикоят берилиши ёки протест келтирилиши мумкин бўлган ажримлар қонунда кўрсатилган бўлади.
Агар биринчи инстанция судларининг ажримлари устидан кассация тартибидаги шикоят (протест)ни бериш ҳақида қонунда кўрсатилмаган тақдирда ажримга қарши эътирозлар кассация шикоятига (протестига) киритилиши мумкин.
Биринчи инстанция судининг апелляция тартибида кўрилмаган ажримлари устидан суднинг ҳал қилув қароридан алоҳида ҳолда кассация инстанцияси судига суд ажрими чиқарилган кундан эътиборан бир йил ичида тарафлар ва ишда иштирок этувчи бошқа шахслар томонидан шикоят берилиши ҳамда прокурор томонидан протест келтирилиши мумкин.
Хусусий шикоятлар бериш ва хусусий протестлар келтириш ушбу бобда белгиланган тартибда амалга оширилади ва кўриб чиқилади.
Биринчи инстанция судининг ажримлари устидан кассация тартибида берилган хусусий шикоят, хусусий протестлар бўйича кассация инстанцияси суди ажримни ўзгаришсиз қолдиришга, шикоят ёки протестни эса қаноатлантирмасликка, ажримни бекор қилишга ва ишни моҳиятан кўриш учун биринчи инстанция судига юборишга, ажримни бутунлай ёки қисман ўзгартиришга ёки бекор қилишга ҳамда масалани моҳиятан ҳал қилиш каби ҳуқуқларга эга.
Хусусий шикоят (протест) бўйича кассация инстанцияси суди чиқарган ажрим устидан шикоят берилмайди, бундай ажрим чиқарилиши билан қонуний кучга киради.
2. Кассация инстанцияси суди кассация шикоятини (протес­тини) олгандан сўнг қонунда белгиланган тартибда ишда иштирок этувчи шахсларни келиб тушган хусусий ажрим тўғрисида хабар­дор қилиши зарур. Суд ишда иштирок этувчи шахсларга шикоят (протест) билан танишиш ва уларга тушунтириш бериш ёки эъти­роз билдиришга ҳақли эканлиги, шунингдек қўшимча материаллар беришга ҳақли эканлиги ҳақида тушунтиришлар бериши лозим.