Ўзбекистон республикаси адлия вазирлиги тошкент давлат юридик институти шорахметов шоакбар шорустамович

255-м о д д а. Даъво рад қилинганида уни таъминлаш
чораларини сақлаш муддати


Даъво рад қилинган тақдирда, даъвони таъминлаш чора­лари суднинг ҳал қилув қарори қонуний кучга киргунга қадар сақланади. Бироқ, суд ҳал қилув қарори билан бир вақтда ёки қарор чиқаргандан сўнг даъвони таъминлашни бекор қилиш тўғрисида ажрим чиқариши мумкин.


1. Қонунда кўрсатилган ҳолларда суд (судья) ўзи қабул қилган ажримини бекор қилиши мумкин. Шундай ҳуқуқ даъво рад қилинганда уни таъминлаш чораларини бекор қилишда ҳам кўриш мумкин.
Даъвони таъминлашни бекор қилиш даъвогарни ишда иштирок этувчи шахсларнинг илтимоси, шунингдек суднинг ташаббуси билан бекор қилиш асосларидан ташқари низоли иш бўлади-ми, алоҳида тартибда кўриладиган иш бўладими, суд мазмунан кўриб ҳал этгандан кейин, агар талаб рад қилингани уни таъминлаш чоралари иш кўрган суд ўз ҳал қилув қарорида бекор қилиш чораларини асослаган ҳолда кўрсатиб ўтиши ёки ҳал қилув қарори чиқарилганидан сўнг даъвони таъминлашни бекор қилиш тўғриси­даги алоҳида ажрим чиқаришга қонун йўл қўяди.
Агар даъво талаб рад қилинганида даъвони таъминлаш чора­лари суднинг ҳал қилув қарори қонуний кучга киргунча қадар сақ­ланиши лозим, чунки манфаатдор шахс суднинг қароридан норози бўлиб шикоят бериши, прокурор протест келтириши мумкинлиги инобатга олинган.
Демак, суд томонидан даъвони таъминлашни бекор қилишга жавобгарнинг даъво талабларига нисбатан иқрор бўлиши, даъвони таъминлаш билан боғлиқ бўлган ҳолатларни бартараф этилганлиги, шунингдек, жавобгарнинг даъвогарга келтирган зарарни қоплаган­лиги ва бошқалар асос бўлиши мумкин.
2. Амалдаги ФПКда даъво рад қилинганида уни таъминлаш чоралари бўйича суд алоҳида ажримига қабул қилишлиги юқорида баён қилинган эди, бироқ процессуал ҳаракатлар қайси тартибда (ишда иштирок этувчи шахсларни хабардор қилган ҳолда кўрила­ди-ми ёки йўқ-ми) бу ҳақда аниқ қоида берилган. Қонунда бу кам­чиликни бартараф этиш мақсадга мувофиқ бўлади, деган фикр­дамиз.