Ўзбекистон республикаси адлия вазирлиги тошкент давлат юридик институти шорахметов шоакбар шорустамович

20-м о д д а. Баённома юритишнинг шартлиги


Суднинг ҳар бир суд мажлиси тўғрисида, шунингдек суд мажлисидан ташқари қилинган ҳар бир алоҳида процессуал ҳаракат тўғрисида баённома тузилади.

Суд мажлисининг баённомаси суд мажлисида бажарилган бар­ча процессуал ҳаракатларни акс эттирувчи муҳим ҳужжат ҳисоб­ланади. Унинг тузилишига қонун алоҳида эътибор беришни талаб этади. Чунки юқори судлар фуқаролик ишининг кўрилишида унинг тўғри юритилганлиги, процессуал меъёрларга амал қилинганли­гини баённома орқали билишлари мумкин бўлади.

Суд мажлисида ёки иш кўриш мажлисидан ташқари амалга оширилган алоҳида процессуал ҳаракатлар тўғрисидаги баённо­мада ишни судда текширишнинг муҳим томонлари ёки алоҳида процессуал ҳаракатлар қилинганлигини акс эттириши лозим.
Суд амалиётида баъзан суд мажлиси баённомасига эътибор бермаслик ҳоллари учраб туради. Баённомаларнинг юритилмаслиги ёки унинг нотўғри тузилиши суд ҳал қилув қарорининг бекор қилинишига ва ишнинг янгидан кўриш учун юборилишига сабаб бўлиши мумкин.


21-м о д д а. Баённоманинг мазмуни


Суд мажлисининг баённомасида ишни кўришнинг ёки алоҳида процессуал ҳаракатларни амалга оширишнинг барча муҳим жиҳатлари акс эттирилиши лозим. Суд мажлисининг баённомасида, хусусан, қуйидагилар кўрсатилади:
1) суд мажлиси бўлиб ўтган йил, ой, кун ва жой;
2) суд мажлиси бошланган ва тамомланган вақт;
3) ишни кўраётган суднинг номи, суд таркиби ва суд мажлисининг котиби;
4) ишнинг номи;
5) ишда иштирок этувчи шахсларнинг ва одил судловга кўмаклашаётган шахсларнинг келган-келмаганлиги тўғриси­даги маълумотлар;
6) суднинг тарафлар ва процесснинг бошқа иштирокчи­ларига уларнинг процессуал ҳуқуқ ва мажбуриятларини тушунтирганлиги;
7) ушбу модданинг 5-бандида кўрсатилган шахсларга чақи­рув қоғози топширилганлиги тўғрисидаги ва улар суд маж­лисига келмаганлигининг сабаблари ҳақидаги маълумотлар;