Ўзбекистон республикаси адлия вазирлиги тошкент давлат юридик институти шорахметов шоакбар шорустамович

125-м о д д а. Жарима солиш тўғрисидаги ажрим устидан
шикоят қилиш


Суднинг жаримадан озод қилиш ёки унинг миқдорини камайтиришни рад этиш тўғрисидаги ажрими устидан хусусий шикоят берилиши ёки хусусий протест келтирилиши мумкин.


1. Суд томонидан қабул қилинадиган актларга нисбатан ишда иштирок этувчи шахслар ҳамиша ижобий муносабатда бўлавер­майдилар. Суднинг қабул қилган ҳал қилув қарорлари, ажримлари манфаатдор шахсларнинг субъектив ҳуқуқларига таъсир этганлиги туфайли суд қарорларидан, шу жумладан жарима солиш тўғриси­даги ажримдан ҳам норози бўлиб ажрим устидан хусусий шикоят бериш прокурор эса хусусий протест келтириш ҳуқуқига эга.
Ушбу шарҳланаётган ҳуқуқий меъёрга кўра, суд жаримаси тўғрисида бериладиган хусусий шикоят ёки хусусий протест фақат жаримадан озод қилиш ёки унинг миқдорини камайтиришни рад этганлик тўғрисида берилади. Жаримадан озод қилиш ёки унинг миқдорини камайтириш ҳақида суднинг ажримига нисбатан хусу­сий шикоят берилмайди, прокурор эса хусусий протест келтир­майди, чунки суднинг бу ажрими ишнинг илгарилашига тўсқинлик қилмайди (ФПКнинг 346-моддаси).
2. Суднинг жарима солиш тўғрисидаги ажрими ажрим чиқариш тўғрисидаги қоидага тўлиқ жавоб берадиган асосда чиқарилиши лозим, унга кўра, суд ажримида қуйидагилар кўрсатилади:

1. 
   ажримнинг чиқарилган вақти ва жойи;
   
2. 
   суднинг номи, судьянинг фамилияси (суд таркиби), суд мажлисининг котиби;
   
3. 
   ишда иштирок этувчи шахслар;
   
4. 
   низо предмети ва ажрим билан ҳал қилинаётган масаланинг моҳияти;
   
5. 
   суднинг хулосасига олиб келган асослар ва суд қўллаган қонунлар;
   
6. 
   суднинг ҳал этилаётган масала юзасидан хулосаси;
   
7. 
   ажрим устидан шикоят бериш (протест келтириш) тартиби ва муддати.
   

Суд томонидан ўз жойида чиқариладиган ажрим ушбу модданинг 4, 5 ва 6-бандларида санаб ўтилган маълумотларни ўз ичига олиши лозим.