Ўзбекистон респубикаси

5.6.3 Таҳлил қилишнинг чиқиш маълумотлари Раҳбарият томонидан таҳлил қилишнинг чиқиш маълумотлари қуйидагиларга тегишли барча қарор ва ҳаракатларни ўз ичига олиши керак: а) сифат менежменти тизими ва унинг жараёнлари натижалилигини ошириш; b) истеъмолчилар талабларига мувофиқ маҳсулотни яхшилаш; с) ресурсларга бўлган эҳтиёж.

Рахбарият томонидан таҳлил қилиш натижалари сифатни бошқариш тизими ва жараёнларни яхшилаш, ташкилот фаолиятини яхшилаш имкониятларини аниқлаш, истеъмолчилар талабларига мувофиқ маҳсулот сифати даражасини ошириш бўйича қарорларни ўз ичига олиши даркор.
Таҳлил қилиш натижалари, раҳбарият томонидан таҳлил қай тарзда фаолиятни яхшилаш ва сифат соҳасидаги янги мақсадларни белгилашга олиб келишини намойиш қилиш учун шакллантирилиши керак.
Қабул қилинган қарорлар зарур молиявий, модий, меҳнат ресурсларни ажратиш билан мустаҳкамланиши керак. Бу раҳбарият сифат бўйича фаолиятни ҳақиқатдан ҳам яхшилашини тасдиғи бўлиб ҳисобланади.
Таҳлил жараёни раҳбарият томонидан таҳлил натижалари бўйича қабул қилинган қарорларни бажарилишини назорат қилиш ва уларни самарадорлигини сифатни бошқариш тизимини кейинги таҳлилида баҳолаш тизимини кўзда тутиши керак.

Ўз-ўзини текшириш ва назорат саволлари

1. “Юқори раҳбарият” тушунчасига таъриф беринг?
2. Юқори раҳбарият сифт соҳасида қандай мажбуриятларни ўз зиммасига олади?
3. Ташкилотнинг қизиқувчи томонлари кимлар ҳисобланади?
4. Сифат соҳасидаги сиёсат деганда нима тушунилади?
5. Ташкилотнинг сифат соҳасидаги сиёсати нимага йўналтирилган?
6. “Ташкилотнингмиссияси” деган тушунчага таъриф беринг.
7. Сифат соҳасидаги сиёсатдан нима учун фойдаланилади?
8. Сифат соҳасидаги сиёсат хидимларга қайт тарзда етказилади?
9. Ташкилотнинг сифат соҳасидаги мақсадлари нима учун белгиланади?
10. Сифат соҳасидаги мақсадлар ўзида нималарни қамраб олади?
11. Ташкилотда қандай мақсадларда режалаштириш ўтазилади?
12. Сифат менежменти тизимида қандай ахборот алоқалари белгиланади?
13. Раҳбарият томонидан таҳлил нима дегани?
14. Раҳбарият томонидан таҳлил учун қандай кириш ва чиқиш маълумотлари ҳисобланади?
15. Раҳбарият томонидан таҳлил қайси жҳатларни қамраб олади?