Ўзбекистон респубикаси

5.6 Раҳбарият томонидан таҳлил қилиш
5.6.1 Умумий қоидалар
Юқори раҳбарият режалаштирилган оралиқ орқали ташкилотнинг сифат менежменти тизимини, унинг доимий яроқлилиги, бирхиллилиги ва натижалилигини таъминлаш мақсадида таҳлил қилиши керак. Ушбу таҳлил сифат менежменти тизимини яхшилаш учун имкониятлар ва унга ўзгартиришлар зарурлиги, жумладан сифат соҳасидаги сиёсат ҳамда сифат соҳасидаги мақсадларни баҳолашни ўз ичига олиши лозим.
Раҳбарият томонидан таҳлил қилиш тўғрисидаги ёзувлар ишчи ҳолатда сақлаб турилиши керак (4.2.4 қ.).

Раҳбарият томонидан таҳлил қилиш сифат тизимини такомиллаштиришни самарали механизмларидан бири ҳисобланади.
Ташкилот раҳбариятини томонидан ўтказиладиган сифат тизимини таҳлили сифат соҳасидаги сиёсатни бажарилиши ва мақсадларга эришилишини баҳолаш, сифатни бошқариш тизимини натижалилигини ва самарадорлигини баҳолашни, сифатни бошқариш тизимини яхшилаш бўйича имкониятларни баҳолашни ўз ичига олиши керак.
Сифатни бошқариш тизимини таҳлил қилиш даврийлиги раҳбарият томонидан, ишлаб чиқарилаётган маҳсулот хусусиятлари, бозор конъюнктурасини ўзгариши, корхонада сифат муаммоларини мавжудлиги, сифат тизими фаолият олиб бораётган вақт ва бошқа факторлардан келиб чиққан ҳолда белгиланади.
Таҳлил даврийлиги: чоракда бир марта, ярим йилда бир марта бўлиши мумкин, аммо йилда бир мартадан кам бўлмаслиги керак.
Таҳлил самарали ўтказилиши учун, таҳлил ўтказиш процедурасини ишлаб чиқиш зарур. Таҳлилни ўтказиш учун корхона бўлинмалари томонидан бошланғич маълумотларни тайёрлаш кетма – кетлигини ўрнатиш тавсия қилинади.
Корхонани таҳлилда қатнашаётган ва маълумот тақдим қилаётган бўлинмалари мажбуриятлари ва жавобгарликлари белгиланиши, ушбу бўлинмалар учун таҳлил бўйича кириш маълумотларини ва маҳсулот, жараёнлар ва сифатни бошқариш тизимини яхшилаш бўйича таклифларни таркиби ва тақдим қилиш шакли ўрнатилиши керак.