Ўзбекистон респубикаси

7.3. Сифат менежменти тизимини режалаштириш

Сифат соҳасидаги сиёсат – бу сифат соҳасидаги эришиладиган ёки интилаётган мақсадларидир.

5.4 Режалаштириш 5.4.1 Сифат соҳасидаги мақсадлар Юқори раҳбарият сифат соҳасидаги мақсадлар, жумладан маҳсулотга қўйиладиган талабларни бажариш учун зарур бўлган мақсадлар [7.1 а) қ.] ҳам ташкилотнинг тегишли вазифалари учун ва тегишли даражаларида қўйилишини таъминлаши керак. Сифат соҳасидаги мақсадлар ўлчанадиган ва сифат соҳасидаги сиёсат билан мувофиқлаштириладиган бўлиши лозим.

Қабул қилинган сифат соҳасидаги сиёсат асосида ташкилотни юқори раҳбарияти аниқ мақсадларни ишлаб чиқиши ва ташкилот фаолиятини яхшилашга олиб келувчи мақсадларга эришиш бўйича фаолиятни бошқаришни таъминлаши керак.
Ташкилот мақсадларини ишлаб чиқишда юқори раҳбарият қуйидагиларни ҳисобга олиши керак:

• 
  ташкилотни замонавий ва келажакдаги эҳтиёжлари ва истеъмолчилар истакларини;
  
• 
  ташкилот менеджменти натижалари бўйича тегишли маълумотларни;
  
• 
  маҳсулот ва жараёнлар сифат кўрсаткичларини;
  
• 
  барча манфаатдор томонларнинг қониқиши даражасини;
  
• 
  ташкилот фаолиятини ўз – ўзини баҳолаш натижаларини;
  
• 
  рақобатчиларни баҳолаш натижаларини;
  
• 
  фаолиятни баҳолаш учун назорат нуқталарини белгилашни;
  
• 
  маҳсулот, жараёнлар, менеджмент тизимини яхшилаш имкониятларини;
  
• 
  олдинган қўйилган мақсадларга эришиш учун зарур ресурсларни.
  

Ташкилотни белгиланган мақсадларига эришиш учун юқори раҳбарият, бўлинмалар учун ва тегишли даражаларда, ташкилот мақсадлари билан келишилган сифат соҳасидаги мақсадларни белгиланишини таъминлаши керак. Белгиланган мақсадларга эришилиши учун жавобгарлик аниқ белгиланиши керак.
Ташкилот мақсадлари ўлчанадиган бўлиши керак. Бу улар, аниқ қийматлар, ёки сон қиймати билан улчанадиган, ёки сон киймати билан ифодаланмайдиган режалаштирилаётган самарадорлик билан тавсифланишини билдиради.
Сифат соҳасидаги мақсадлар ташкилот сифат дастурлари, сифатни ошириш бўйича тадбирлар, ёхуд ташкилот анъанавий тарзда ишлаб чиқадиган, сифатни ошириш, корхонани техникавий қайта қуриш, илғор технологияларни жорий қилиш, ходимлар малакасини ошириш, таъминотчилар билан ўзаро алоқани яхшилаш, истеъмолчилар талабларини қондириш бўлимлари бўлган бошқа дастур ҳужжатлари кўринишида белгиланишлари мумкин.