Ўзбекистон респубикаси

6.3 Инфратузилма
Ташкилот маҳсулотга қўйиладиган талабларга мувофиқлигига эришиш учун зарур бўлган инфратузилмани аниқлаши, таъминлаши ва ишчи ҳолатда сақлаб туриши лозим. Мумкин бўлса, инфратузилма:
а) бинолар, иш жойи (иш хоналари) ва улар билан боғлиқ воситалар;
b) жараёнлар учун асбоб-ускуналар (ҳам техник, ҳам дастурий воситалар);
c) таъминлаш хизматлари (асосий фаолиятни сақлашга қаратилган хизматлар) (масалан, транспорт, алоқа ёки ахборот тизимлари) ни ўз ичига олади.

Ташкилот инфратузилмаси ишлаб чиқариш жараёнларини амалга ошириш учун асос бўлиб ҳисобланади.
Ташкилотда инфратузилмани тегишли ҳолатда ушлаб туриш бўйича фаолиятни амалга оширувчи бўлинмалар аниқланиши керак.

6.4 Ишлаб чиқариш муҳити Ташкилот маҳсулотга қўйиладиган талабларга мувофиқлигига эришиш учун зарур ишлаб чиқариш муҳитини аниқлаши ва бошқариши лозим. Изоҳ - «Ишлаб чиқариш муҳити» атамаси иш бажариладиган шароитларга, жумладан физик, экологик ва бошқа омилларга (шовқин, температура, намлик, ёруғлик ёки метеошартлар (об-ҳаво) каби) тегишлидир.

Ташкилотда, ўрнатилган талабларга мувофиқ бўлган маҳсулотни ишлаб чиқаришни таъминловчи ва ходимлар соғлиғига зарарли таъсир кўрсатмайдиган ишлаб чикариш муҳити яратилиши керак.
Ишлаб чиқариш муҳити физик ва инсон факторларини ўз ичига олади.
Ишлаб чиқариш муҳитини физикавий факторлари ташкилотда маҳсулот ишлаб чиқариш жараёни, синаш ва назорат қилиш, хавфсизлик ва ходимлар соғлиғини сақлаш учун шароитларни таъминлаши керак.
Ташкилот, ишлаб чиқариш шароитларни бошқариш, ва, зарур бўлганда назорат қилиш ва рўйхатга олиш имконини кўзда тутиши керак.
Физик факторлар саноат санитарияси ва гигиенаси стандартлари талабларига, ишлаб чиқариш тозалиги ва маданиятини таъминлаш бўйича талабларга, ишчи ўринларини тегишли ёритилишига талабларга мувофиқ бўлиши керак.
Ишлаб чиқариш муҳитини белгиланган меъёрларга мувофиқлиги устидан назорат тартибини ўрнатиш керак.