Ўзбекистон респубикаси

5.4.2 Сифат менежменти тизимини режалаштириш
Юқори раҳбарият:
а) сифат менежменти тизимини режалаштириш 4.1 банд талабларини, шунингдек сифат соҳасидаги мақсадларни бажариш учун амалга оширилишини, ҳамда
b) сифат менежменти тизими режалаштирилса ва унга ўзгартишлар киритилса, сифат менежменти тизими яхлитлиги сақланишини таъминлаши керак.

Юқори раҳбарият корхонада сифат менежменти тизимини яратиш бўйича ишларни режалаштиришни, корхона сифатни бошқариш тизимига ISO 9000 серияли халқаро стандартлари талабларига мувофиқ амалга ошириши керак (сифатни бошқариш тизимини ривожлантиришни режалаштириш сифат дастурига киритилиши керак).
Раҳбарият томонидан сифатни бошқариш тизимини таҳлил қилишда таркибий тузилиш, ташкилот, жараёнлар фаолиятидаги ўзгаришларни ҳисобга олган ҳолда сифат тизими фаолиятини самарадорлигини баҳолаш бўйича қарорлар қабул қилиниши керак.
Сифатни бошқариш тизимини ривожлантириш бўйича қабул қилинадиган қарорлар, ўзгаришларни жорий қилишда амалдаги тизим, ташкилотни мақсадлари ва вазифалари билан қарама – қаршиликларни бартараф қилиш йўли билан сифатни бошқариш тизимини бутунлиги сақланишини кафолатлаши керак.

7.4. Жавобгарлик, ваколатлар ва ўзаро алоқадорлик

Ваколат – у ёки бу нарсани кимгадир тақдим этиш ҳуқуқидир.
Жавабгарлик – 1) ўзининг амалга оширган ҳаракатларини ҳисоботини тақдим этиш зарурияти ва ҳ.к. 2) у ёки бу ишнинг жиддийлиги, муҳимлилигидир.
Ташкилотнинг юқори раҳбарияти ишчиларнинг жавобгарлиги, ваколатларини бўлинмаларнинг низомлари ва лавозим йўриқномаларида белгилайди.

5.5 Жавобгарлик, ваколатлар ва ахборот алмашиш 5.5.1 Жавобгарлик ва ваколатлар Юқори раҳбарият, жавобгарлик ва ваколатлар аниқланган бўлиши ҳамда ташкилот доирасида маълум қилинишини таъминлаши керак.

Сифат соҳасидаги белгиланган мақсадларга эришиш учун зарур бўлган жавобгарлик ва ваколатлар юқори раҳбарият томонидан белгиланиши ва барча ходимларга етказилиши ва сифатни бошқариш тизими фаолият юргазганида ходимларни ўзаро алоқаси тартиби белгиланиши керак. Сифатга таъсир кўрсатувчи фаолиятда банд бўлган ходимлар, корхона ишчиларини сифатни бошқариш тизимига жалб қилиниши принципини ҳисобга олган ҳолда жавобгарлик ва ваколатлар билан таъминланиши керак.
Юқори раҳбарият, ташкилотни ҳар бир даражасида барча манфаатдор томонларни, уларни жавобгарликлари ва ваколатларини белгиланганлиги тўғрисида хабардор қилинишини таъминлаши керак. Жавобгарлик ва ваколатлар тўғрисидаги маълумотлар, сифатни бошқариш тизимини самарали ва натижалили жорий қилиниши ва ишчи ҳолатда тутилиши мақсадида ходимларга етказилиши керак.
Жавобгарликлар, ваколатлар ва бўлинмалар ва маъсул шахслар ўртасидаги ўзаро алоқа қуйидаги ҳужжатларда белгиланади:

• 
  ташкилотни таркибий тузилмаси;
  
• 
  юқори раҳбариятни буйруқ ва фармойишлари;
  
• 
  таркибий бўлинмалар тўғрисидаги низомлар;
  
• 
  лавозим йўриқномалари;
  
• 
  сифат бўйича қўлланма;
  
• 
  сифат тизими ҳужжатлари;
  
• 
  ишларни бажарилиши бўйича йўриқномалар;
  
• 
  сифатни бошқариш тизимида жавобгарликни тақсимланиши матрицалари;
  
• 
  ташкилотни бошқа ҳужжатлари.
  

Жавобгарлик ва ваколатларни тақсимлашда ташкилотни сифат соҳасидаги мақсадларига эришилиши учун жавобгарликни тақсимланиши, жавобгарликларни ташкилот ходимларига етказилиши тартиби кўзда тутилиши керак.