Ўзбекистон респубикаси

4.2 Ҳужжатларга қўйиладиган талаблар
4.2.1 Умумий қоидалар
Сифат менежменти тизимининг ҳужжатлари:
а) сифат соҳасидаги сиёсат ва мақсадлар ҳақида ҳужжатлар билан расмийлаштирилган баёнотларни;
b) сифат бўйича қўлланмани;
c) ушбу стандартда талаб этиладиган ҳужжатлаштирилган процедуралар ва ёзувларни;
d) ташкилот томонидан жараёнларни натижали режалаштириш, амалга ошириш ва уларни бошқаришни таъминлаш учун зарур деб белгиланган ҳужжатлар, жумладан ёзувларни ўз ичига олиши керак.
Изоҳлар
1 Ушбу стандартда «ҳужжатлаштирилган процедура» атамаси учраганда, процедура ишлаб чиқилган, ҳужжатлар билан расмийлаштирилган, жорий қилинган ва ишчи ҳолатда сақлаб турилмоқда деган маънони англатади. Алоҳида ҳужжат битта ёки ундан кўп процедуралар талабларини ҳисобга олиши мумкин. Ҳужжатлаштирилган процедурага қўйиладиган талаб биттадан кўп ҳужжатда акс этиши мумкин.
2 Сифат менежменти тизими ҳужжатларининг ҳажми қуйидагиларни ҳисобга олган ҳолда турли ташкилотларда фарқланиши мумкин:
a) ташкилотнинг катталиги ва фаолият тури;
b) жараёнларнинг мураккаблиги ва ўзаро боғланиши; ҳамда
c) ходимларнинг лаёқатлилиги.
3 Ҳужжатлар исталган шаклда ва ҳар қандай турдаги ташувчида бўлиши мумкин.

СМТ фаолиятини ҳужжатлаштирилган асосини яратиш ва баён қилиш учун ташкилот СМТ ҳужжатлари тўпламини яратиши керак.

ISO 9001:2008 талабларига мувофиқ қуйидаги процедураларни мажбурий ишлаб чиқилиши ва ҳужжатлаштирилиши талаб қилинади:

1. 
   ҳужжатларни бошқариш;
   
2. 
   сифат бўйича ёзувларни бошқариш;
   
3. 
   ички аудитни бошқариш;
   
4. 
   номувофиқ маҳсулотни бошқариш;
   
5. 
   тузатиш ҳаракатлари;
   
6. 
   олдини олиш ҳаракатлари.
   

6.2. Сифат бўйича қўлланма

Сифат бўйича қўлланма – бу корхона сифат менежменти тизимини баён этувчи яъни тавсифловчи ҳужжатдир.