Ўзбекистон респубикаси

8.2.2 Ички аудит Сифат менежменти тизими: а) режалаштирилган чора-тадбирларга (7.1 қ.), ушбу стандарт талабларига ва ташкилот томонидан белгиланган сифат менежменти тизимига қўйиладиган талабларга мувофиқлигини; b) натижали жорий этилганлиги ва ишчи ҳолатда сақлаб турилганлигини аниқлаш мақсадида ички аудитларни режалаштирилган вақт оралиғида ўтказиши керак. Аудитлар дастури жараёнлар ва аудитга тегишли жойларнинг мақоми ва муҳимлигини, шунингдек олдинги аудитлар натижаларини ҳисобга олган ҳолда режалаштириши лозим. Аудитлар мезонлари, қўлланиш соҳаси, такрорланиш тезлиги ва усуллари аниқланган бўлиши керак. Аудиторларни танлаб олиш ва аудитлар ўтказиш аудит жараёнининг холислиги ва беғаразлигини таъминлаши керак. Аудиторлар ўзлари бажарган ишни текширмасликлари керак. Аудитларни режалаштириш ва ўтказиш бўйича, шунингдек натижалар ҳақидаги ёзувлар ҳамда ҳисоботлар бўйича жавобгарлик ва талабларни белгиловчи ҳужжатлаштирилган процедура ишлаб чиқилиши керак. Аудитлар ёзувлари ва уларнинг натижалари ишчи ҳолатда сақлаб турилиши керак (4.2.4 қ.). Текширилаётган фаолият соҳаларига масъул раҳбарият аниқланган номувофиқликлар ҳамда уларни юзага келтирган сабабларни бартараф этиш учун ҳар қандай зарур тузатиш ва тузатиш ҳаракатлари кечиктирмасдан қилинишини таъминлаши лозим. Кейинги ҳаракатлар кўрилган чораларни верификатлаш ва верификатлаш натижалари ҳақидаги ёзувларни юритишни ўз ичига олиши лозим (8.5.2 қ.). Изоҳ - Қўлланма учун O’z DSt ISO 19011 га қаранг.

Ички аудит (текшириш) – бу сифат соҳасидаги (маҳсулот, хизмат, жараёнлар, бутун СМТ) фаолият натижаларини ўрнатилган талабларга мувофиқлигини аниқлаш учун ташкилот кучлари (ёки унинг номидан) ўтказиладиган тизимли (маълум оралиқ вақт орқали) ва мустақил таҳлил.
Ички аудит бўйича фаолият СМТ баҳолашга йўналтирилиши керак. Бу фаолият аудит ўтказилиши керак бўлган жараёнлар ва бўлинмалар муҳимлиги ва мақомини, шунингдек аввалги аудитлар натижаларини ҳисобга олган ҳолда режалаштирилиши керак. Аудитлар режалари аввалги аудитлар натижалари ва ташкилот фаолияти натижаларини ҳисобга олган ҳолда тўғриланиши керак. Режалаштиришда жараёнларни боришига ҳал қилувчи таъсир кўрсатувчи объектларни қўшган ҳолда, жараёнлар ва фаолиятни муҳим нуқталарини ҳисобга олиш керак.
Ички аудит натижалари бўйича аудит мақсадларига мувофиқ бўлган варақлар, номувофиқликлар баённомалари, аудит бўйича ҳисоботлар расмийлаштирилади.
Ўтказилган аудитлар натижалари бўйича ҳисоботлар текширилган объектларни ўрнатилган талабларга мувофиқлиги (номувофиқлиги) тўғрисидаги хулосаларни ва аудитдан сўнг кейинги амаллар бўйича маълумотларни ўз ичига олиши керак. Кейинги амаллар, одатда, аниқланган номувофиқликларини бартараф қилиш учун қабул қилинган тузатиш ҳаракатларини, бажарилиш муддатлари ва бажариш учун жавобгарликни ўз ичига олади.