Ўзбекистон олий ва ўрта махсус таълим вазирлиги тошкент автомобил ва йўллар институти “ЙЎЛ Қурилиши” факультети

Фрезалаш махсус машина-фреза билан бажарилади. Фрезалар “иссиқ” ва “совуқ”бўлади. “Совуқ” фрезанинг асосий ишчи органи кескичлар ўрнатилган барабан ҳисобланади. “Иссиқ” фрезада барабан олдида инфрақизил нур билан қиздирувчи блок жойлашади. Блокнинг узунлиги 1...6 см, эни эса барабан энига тенг. Совуқ усулда фрезалаш қувватни кам истеъмол қилади, лекин фрезаловчи кескичлар ўта жадаллик билан ейилиши мумкин. “Иссиқ” фрезалашда фрезаланган материалнинг гранулометрик таркиби йўл қопламаларини қуриш учун қайта фойдаланиш нуқтаи назаридан талаб этилганга яқин бўлади.
Қопламаларни алмаштириб таъмирлашда Wirtgen фирмасининг совуқ фрезалари шикастланган қопламанинг керакли чуқурликкача қирқиб олиш имконини беради (12-расм). Бунда ҳосил бўладиган материал қўшимча ишлов берилмасдан, стационар асфальтбетон ускуналарда қайта ишланиши мумкин.



12- расм. Wirtgen фирмасининг W-500 маркали совуқ фрезаси

Турли қувурлар ётқизиладиган хандақ (ариқ)лар очишда Wirtgen нинг совуқ фрезалари керакли кенгликда ва қисқа муддатда асфальтбетон қопламани кўчириши мумкин. Ҳозирги вақтда Wirtgen фирмаси ишлаб чиқараётган 11 турдаги совуқ фрезалар йўл қурилишидаги турли талабларга жавоб беради ва барча қулайликларга эга.22 Улар ёрдамида йўл қопламаларининг майда таъмир ишларини ва бутунлай йўл қопламасини олиб ташлашни ҳам бажариш мумкин.

Назорат саволлари:

1. 
   Асфальтoбетон қопламаларини янгилаш усулларини санаб беринг?
   
2. 
   Асфальтобетонни янгилаш учун қандай механизмлардан фойдаланилади ?
   
3. 
   Асфальтобетон қопламаларини тиклашни технологик жараёнини баён этинг.
   
4. 
   Мавжуд қопламани қиздириб текислаш усулини баён этинг.
   
5. 
   Қопламаларни фрезалаш ишлари қандай бажарилади ?
   

9 – МАРУЗА. МАВЖУД ҚОПЛАМAЛАРНИ ҚАЙТА ИШЛАШ


Режа:

1. 
   Эски асфальтобетонни АБЗ да қайта ишлаш.
   
2. 
   Хорижий давлатларда эски асфальтобетонни қайта ишлаш усуллари.
   
3. 
   Қопламаларни “REMIX” да регенерация қилиш.