Ўзбекистон олий ва ўрта махсус таълим вазирлиги тошкент автомобил ва йўллар институти “ЙЎЛ Қурилиши” факультети

Биринчидан, фрезалаштириш жараёнида талаб этилган кўндаланг нишабликка эришилади.
Иккинчидан, қоришмани бир хил гранулометрик таркибга эришишга имконият яратади.
Учинчидан, қўзғалмас қурилмада қоришмани сифатли аралаштиришга эришилади.
Тўртинчидан, хамма қоришма учун доимий лаборатория назорати таъминланади ва нихоят, қимматли жиҳозни (рециклер) арендага олиш ёки сотиб олишга харажатлар бўлмайди.
Совуқ фрезалаштириш мустақил технология ҳисобланмайди, аммо қопламани таъмирлашда анъанавий технологияни такомиллаштириш элементи сифатида қаралади. Деформация бўлган юқори қатламни текислаш ўрнига, янги қатлам қўйилади. Совуқ фрезалашдан фойдаланганда ва янги асфальтбетон қатламни ёткизишда 1м таъмирланган қопламани қиймати тахминан 6,1 АҚШ долларига тенг.
Шикастланган қопламани чуқурлиги 6 см дан кўп бўлганда, совуқ фрезалаш технологияси мақсадга мувофиқ.
Автомобиль йўлларининг қопламаларини истеъмол хоссаси ва мустаҳкамлигини қайта тиклаш иссиқ ва совуқ регенерация қилиш технологиясининг мукаммал янги кўринишидир. У аъло сифатли таъмирлаш ишларининг юқори меҳнат унумдорлигини таъминлайди, ҳамда ресурс ва энергияни тежайди. Бундан ташқари, мазкур технологиялар таъмирланаётган участкада ҳаракатни тўхтатмасдан иш олиб боришга имконият яратади. Иссиқ регенерация технологияси юқори сифатли бўйлама чокни кўришни таъминлайди.
Ремикс-4500 (15-расм) комплекс машина базасининг узунлиги ҳисобига, бўйлама ва кўндаланг равонликни энг юқори даражада кафолатлайди.





15 – расм. Қопламаларни “Ремикс”да регенерация қилиш

Айрим компонентлар (чақиқ тош, битум)ни регенерация қилинган асфальтбетонга киритиш, йўл қопламасининг мустаҳкамлик характеристикасини тиклашга имконият яратади. Булар ҳаммаси таъмирлашни амалга оширишда сезиларли ва шартли равишда доимий харажатларни кисқартиради.

Назорат саволлари:

1. Заводда эски асфальтбетондан янги қоришма тайёрлаш технологиясига нималар киради?

2. Асфальтбетонни заводда қайта тайёрлаш қандай имкониятларга эга ?
3. Қопламаларни регенерация қилиш деганда қандай тадбир тушунилади ?
4. Қопламаларни “Ремикс” да регенерация қилишнинг қулайлиги нимадан иборат?