«Ўзбекистон давлати ва ҳУҚУҚи асослари» (8-синф) дарслиги бўйича саволлар ва жавоблар

Фуқаролик ва жиноий процессуал ҳуқуқий соҳаларининг асосий фарқлари нимада?

Жавоб: Фуқаролик-процессуал ҳуқуқ нормалари судларнинг фуқаролик, оилавий, меҳнат, ер билан боғлиқ ва молиявий муносабатлар каби бир қатор соҳалардаги фаолиятини тартибга солади. Яъни, шу соҳаларга оид ишлар кўрилаётган бўлса, судлар фуқаролик-процессуал қонунчиликка асосан иш кўрадилар. Жиноят-процессуал ҳуқуқ судлов, тергов, прокуратура органларининг жиноят ишларини тергов қилиш ва судда кўриб чиқиш фаолиятини тартибга солади.

133. 
     Жиноят процессуал ҳуқуқий соҳаси қандай вазифаларни бажаради?
     

Жавоб: Жиноят-процессуал ҳуқуқ судлов, тергов, прокуратура органларининг жиноят ишларини тергов қилиш ва судда кўриб чиқиш фаолиятини тартибга солади.

134. 
     «Ҳуқуқ институтлари» деганда нимани тушунасиз?
     

Жавоб: Ҳуқуқ институтлари бу ўзаро боғланган, бир турдаги ижтимоий муносабатларни тартибга солувчи ҳуқуқий нормалар гуруҳидан иборат. Конституциявий ҳуқуқ соҳасида президентлик, фуқароларнинг ҳуқуқ ва эркинликлариинс ти тути, жиноят ҳуқуқи соҳасида – жавобгарлик институти, оила ҳуқуқида никоҳ институти ва бошқалар. Бу ҳуқуқ институтлари ҳуқуқ соҳасининг ички таркибий қисмидир. Ҳуқуқ институтлари бирлашиб, ҳуқуқ соҳасини ташкил этади.Яъни ҳуқуқ институтлари ҳуқуқ соҳаларининг таркибий қисмидир.

135. 
     Халқаро ҳуқуқнинг таркибий қисмлари (соҳалари) деганда нимани тушунасиз ва уларга мисоллар келтиринг.
     

Жавоб: Мамлакатда ички ҳуқудан ташқари халқаро ҳуқуқ тизими ҳам мавжуд бўлиб, бу ҳуқуқтизими нормалари давлатлар, халқаро ташкилотлар ва бошқа субъектлар ўртасидаги ҳуқуқий муносабатларни тартибга солади. Халқаро ҳуқуқ тизими қуйидаги тармоқларни ўз ичига олади: халқаро оммавий ҳуқуқ, халқаро хусусий ҳуқуқ, халқаро таш килотлар ҳуқуқи, халқаро хавфсизлик ҳуқуқи, дипломатия ва консуллик ҳуқуқи, халқаро денгиз ҳуқуқи ва бошқалар.

136.